Líder karismátiku Kay Rala Xanana Gusmão, hatete, povu mak guerilleiru lolos, tanba ne'e lori povu mak Timor-Leste manan funu hodi ba ukun rasik-an.
Líder karismàtiku Kay Rala Xanana Gusamão hato'o informasau ne'e, hafoin halo vizita ba suku Sanana'in, Postu Administrativu Laklubar, Munisípiu Manatutu, Sesta (3/7/2020).
Eis Primeiru Ministru ne'e dehan, funu ne’e povu mak eroi gerilla nee povu mak halo, tanba povu mak satan forsa Falintil hosi invazór sira durante luta.
Nune’e mos eis Prezidente Repúblika, Kay Rala Xanana Gusmão, husu ba autoridade hotu atu kria liña koordenasaun diak ho Governu atu kapasita nafatin joven sira Liu hosi setór oioin.
“Tinan 24 nia laran mak ita manan funu, ita la duni inimigu, ita la manan funu hodi duni inimigu. Gerilla ne’e funu ne’ebé povu mak halo, la’os militar, militar tiru malu hakiduk, avansa, hakiduk, avansa, lae! Tanba ne’e mak barak mate, lakon, tortura, kaer ho terus. Ne’e duni imi joven sira tenke estuda la’os facebook, facebook de’it, estuda hodi respeia katuas ho ferik sira ne’ebé terus”,afirma líder karismàtiku, Kay Rala Xanana Gusamão.
Iha fatin hansan autoridade lokal mós agradese ba vizita Eis Primeiru Ministru ne'e, tanba Bele haree direitamente komunidade nia preokupasaun.
“Ami povu Manatuto, Postu Laklubar, Suku Sananai Vivo: Xefe Suku Sanana'in agradese ba maun bo’ot. Ami iha ne’e problema mak estrada a’at no falta buat barak”,dehan Tito Loco Nahak.
Enkuantu iha vizita Lider karismátiku ne'e, distribui mós sasán nesesidade bázika hanesan foos, mina, Supermi no seluk tan.
Aleinde iha suku Sanana'in Xanana kontinua kedas ba suku Funar, Postu Laklubar, hodi distribui sasán nesesidade bázika sira ba komunidade kbiit laek sira ne’ebé identifikadu ona. San
