Deputada bankada KHUNTO, Olinda Guterres, husu deskulpa ba ema ho defisiénsia sira iha Timor-Leste tomak, relasiona ho nia deklarasaun ne’ebé fó sai, halo defisiente Timor-oan sente ofendidu.
Xefe bankada KHUNTO ne’e esklarese, nia parte laiha intensaun atu ofende defisiente sira, maibe tanba ho emosaun ba públiku nia kritiku, kona-bá Prezidente Partidu KHUNTO, Armanda Berta nia kandidata ba Prezidente Repúblika 2022,
Ne’ebé deputada refere halo komparasaun ho eis Prezidente Repúblika Indonézia Abdurrahman Wahid alias Gus Dur ne’ebé mós ho kondisaun defisiente matan.
“Liafuan ne’ebé ha’u hamosu iha ne’e, kona-bá termu ida matan delek ne’e, ha’u husu deskulpa ba maluk defisiente sira hotu-hotu, tanba ha’u ho emosaun, ha’u sei lee hela kandidatu Prezidente Repúblika ninian iha ha’u nia WhatsApp ne’ebé ema trata át loos. Maibe iha momentu ne’ebá ne’e ha’u foti ezemplu de’it, ha’u-nia liafuan mak naksalak, ha’u husu deskulpa”,deklara xefe bankada KHUNTO ne’e liuhosi plenária, Segunda (12/07/2021).
Ho deklarasaun sira hosi deputada Olinda Guterres ne’e, antes ne’e hamosu reasaun hosi grupu ema ho defisiénsia sira, tanba sente ofendidu ho linguajen ne’ebé hasai hosi polítiku ne’e.Say
