GMN TV Sosiedade Komunidade sira hetan bebé moris ida ema soe hela iha Manleu

Komunidade sira hetan bebé moris ida ema soe hela iha Manleu

13 views

Komunidade sira hetan bebé ida  ema soe hela iha Manleu ho kondisaun moris hela. Moises dos Santos de Araújo, nu’udar abitante Aldeia Lemokari, Suku Manleu Postu Adminstrátivu Don Aleixo Munisípiu Díli iha Domingu (18/07/2021), mais ou menus tuku tolu madrugada hetan bebé ida ne’ebé mak ema soe hela iha  mota ninin, ne’ebé iha kondisaun moris hela.

Moises ho nia família transporta kedas bebé ba iha Sentru Saúde Comoro hodi  tesi bebé nia hussar  no hala’o tratamentu ba bebé nia saúde, nune’e hodi fó susu be’en ba bebé ne’e. Hafoin ne’e,  médiku sira haruka alta ona husi Sentru Saúde Comoro, hodi haruka Moises nia família lori bebé  ba uma iha  Ailok-Ida, Aldeia Lemokari.

“Ha’u toba  iha baranda oin, derepente rona bebé ida tanis, entaun ha’u hader sai ba estrada haree bebé  ne’e ema falun hela iha plástiku depois ta’u iha pasta-laran, ha’u kore haree bebé ne’e kondisaun di’ak  hela no ami  lori kedas bebé ne’e ba iha Sentru Saúde Comoro”, esplika Moises dos Santos de Araújo,  núdar abitante, ba GMN, iha resintu Edifísiu Polísia Sientífika Investigasaun Kriminal, Caicoli, Díli.

Alende ne’e, Rozana Carvalho, núdar inan hakiak, hato’o agradese ba Maromak, tanba fó tulun ba bebé ne’e bele moris iha mundu ne’e.

“Ha’u hato’o obrigado barak, ne’e hanesan Grasa Maromak  no ha’u nia matebian sira hotu fo tulun duni mai ha’u”dehan Rozana Carvalho. Bebé ne’e família deside tau naran Graciana  Carvalho.

Polísia Sientífika Investigasaun Kriminál, bolu ona Moises dos Santos de Araújo, hodi  fó deklarasaun ba   hetan bebé ne’e.avi


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker