GMN TV Diarío METO husu PM hapara operasaun ró Tranship II

METO husu PM hapara operasaun ró Tranship II

1 views

Movimentu Estudante Tane Oecuse (METO), husu Primeiru Ministru (PM) atu hapara operasaun Ró Tranship II ba RAEOA no Ataúro, tamba kondisaun  ró at ne’ebé bele fó ameasa ba Atoni-oan sira nia vida.

Porta Voz, Movimentu Estudante Tane Oecuse, Calisto Colo, hatete ba JNDiário iha Jardin 5 de Maiu Colmera, Segunda (12/07/21), relasiona ho problema ró Tranship II ne’ebé susar atraka iha portu Díli foin lalais ne’e.         

“Ami rekomenda ba Primeiru Ministru ,atu toma atensaun ba problema kondisaun ró ahi transship II no husu ba Ministru Transporte no Komunikasaun ,hapara rá ahi transship II halo operasaun Díli, RAEOA no Ataúro, husu mos ba Prezidente Autoridade RAEOA atu toma atensaun ba problema ró transship II, labele halo ona operasaun, nune’e labele fó impaktu negativu ba pasajeiru sira nia moris”, esplika Porta Voz.         

Nune’e mos, Zecafriado Coa, estudante, esplika ró Tranship II susar atu atraka iha Portu Díli ne’e hatudu momos katak ró ne’e aat .

Ró Tranship II ne’e halo nia operasaun dahuluk husi Díli ba Ataúro iha Sábadu loron 26 fulan Juñu 2021 ne’e , tula Primeiru Ministru Taur Matan Ruak ho membru Governu balu inklui Konseleiru Maximu KHUNTO José dos Santos Nai Mori Bukar, atu ba inaugura postu UPF iha Ataúro mos hetan problema atu atraka iha Portu Beloi, nune’e horas rua resin iha tasi laran.

Nune’e Xefe Governu ne’e fila mai Díli ho ró Kay Rala hosi Unidade Polisia Marítima (UPM) nian. Problema ne’e repete tan iha iha Sábadu (10/07), ró transship II fila husi Oecusse hodi to’o mai iha Portu Díli defisil tebes atu atraka  parte ró nain halo evakuasaun emrjensia ba pasajeru sira, liu hosi ró ninin.

Porta Voz Movimentu, Calisto Colo, hatete, wanhira Ministru Transporte Komunikasaun, José Agustinho da Silva, la hapara ró transship II nia operasaun, Movimentu Estudante Tane  Oecuse, sei halo asaun hasoru Governu.

Antes ne’e Komisaun Anti Korupsaun mos husu ba Ministériu Transporte Telekomunikasaun atu suspende temporariamente operasaun ró tranship II, tamba identifika lampu iha ró laran kesi ho tali raffia, AC at, uza fali AC ne’ebé instala iha uma nian, inklui besi ne’ebé kanaliza oli sulin hela. Nune’e mos  KAK identifika iha indisíu balu la refleta ho prosesu aprovizionamentu nian.

Iha parte seluk, Diretór Nasionál Transporte Maritíma, Lino Barreto, hatete, ró Transship II difisil atu atraka  iha Portu Díli, tamba anin bo’ot.

Lino Barreto, klarifika, ró transship II ne’ebé fila husi RAEOA iha Sábadu, loron 10, fulan Jullu ne’e, difisil atu atraka iha portu Díli, tamba hasoru anin bo’ot no fatin atraka klot.

Diretór Nasionál Transporte Maritíma, hatete, kondisaun ne’ebé ró Transship II infrenta ne’e ladun fatal, tamba kondisaun ró refere diak  hela.

Diretór Nasionál Transporte Maritíma, Lino Barreto, seidauk simu karta rekomendasaun husi Komisaun Antin Korupsaun ho Governu, atu hapara ró Tranship II nia operasaun, tanba desizaun atu hapara operasaun ba ró refere, iha Ministru Transporte Komunikasaun,  José, Agustinho da Silva nia liman.

“Motivu ró Transship II la atraka iha nia fatin, tamba situasaun klima mak la permite, tamba tama husi RAEOA to’o iha ne’e tuku 12 meiudia ne’ebé akompaña anin makas, entaun nia labele tama iha fatin ne’ebé ró atraka ba ne’e, tamba fatin ne’e klot”,  “KAK ho Governu seidauk iha karta ida katak, atu hapara ró ne’e nia operasaun, investigasaun sim la’o, KAK suspende ne’e ida-idak ninia hanoin, maibe atu hapara ne’e só governu mak bele hapara”, esplika Diretór Nasionál Transporte Maritíma, Lino Barreto.

Nia dehan ró Tranship II agora fasilita atu tula merkadoria atu ba Ataúro, kondisaun ne’ebé ró ne’e infrenta la terlalu fatal ida, pasajeiru iha ró laran mais ou menus 70 resin, kondisaun ró Transship II kondisaun diak hela, ne’e mak nia ba mai.

Iha fatin hanesan, Diretór Çabotagen Nasional, Feliciano da Costa Correia, hatete, Ró Berlin Nakroma no Succes, ne’ebé subtitui husi ró Transship II, dadaun ne’e sei para hela iha Portu Díli, no seidauk ba halo manutensaun iha Surabaya Indonézia, tamba sei hein kompañia nia prosesu aprovizionamentu.

Tuir rekezitus ba ró pasajeiru hanesan Berlin Nakroma no Succes, tenki halo manutensaun kada tinan, nune’e kondisaun ró hirak ne’e bele estavel nafatin, hodi halo operasaun. Durasaun ró hirak ne’ebé sei ba halo manutensaun iha rai liur, to’o fulan Ida.Tos

 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker