GMN TV Sosiedade MPKM Fidelis: “Sé de’it mak simu ona vasina Sinovac no AstraZeneca la’o livre”

MPKM Fidelis: “Sé de’it mak simu ona vasina Sinovac no AstraZeneca la’o livre”

Ministru Prezidensia Konsellu Ministru, Fidelis Magalhães, hatete sidadaun ne’ebé simu ona vasina ho tipu Sinovac no AstraZeneca doze daruak, bele halo movimentu livre, la presiza teste swab.

Fidelis Magalhães hato’o asuntu ne’e relasiona ho informasaun falsa, ne’ebé ema balu lansa  iha media sosiál katak, sidadaun ne’ebé simu ona vasina ho tipu Sinovac sei teste swab nafatin, wanhira atu halo viajen ba munisípiu.

“Vasina 2 iha ita nia rai desizaun husi saúde katak, vasina hirak ne’ebe mak rekoñese no autorizasaun husi WHO sira iha klasifikasaun ne’eb’e hanesan tantu sinovac, sino fam, Pfizer, moderna,  AstraZeneca sira ne’e hanesan, nune’e wanhira semak simu vasina hirak ne’e to’o doze 2 ona nia bele hala’o movimentu livre”, esplika Fidelis Magalhães hafoin reuniaun Konsellu Ministru, Kuarta (21/07), iha Pálasiu Governu.

Governante ne’e husu ba ema iresponsavel sira ne’ebé lansa informasaun falsa sira iha media social ne’e tenki responsabiliza ,wanhira hetan kaer husi autoridade seguransa sira.

Porta Governu ne’e dehan Governu liu husi Ministériu Prezidensia Konsellu Ministru, iha ona kontaktu komunikasaun Facebook, atu observa direita  informasaun falsa sira ne’ebé, ema immoral sira públika iha plataforma media sosiál nian.

 “Governu, sosiedade sivil, jornalista sira ita hotu iha dever ida atu luta kontra HOAX, ema sira ne’ebé halo HOAX ne’e laos de’it hanesan “nakar” ou tamba falta responsabilidade, sira ne’ebé halo HOAX ne’e posibilidade komete aktu illegal liu-liu ariska ema barak nia moris, satan wanhira halo manipulasaun informasaun kona-ba vasina ou kontra vasina sira e ita responsabiliza ho aktu ne’ebé ita halo, wanhira ema mate ho ida ne’e maka husi PCM nian mos iha kontaktu komunikasaun ho Facebook atu haree esforsu iha TL, relasiona ho uzu no abuzu sira ba plata forma media sosiál nian hodi espalla informasaun sira ne’ebé mak la los”, esplika Ministru Prezidensia Konsellu Ministru.Tos


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker