GMN TV Sosiedade Timor-oan na’in tolu mate iha rai-liur to’o iha TL

Timor-oan na’in tolu mate iha rai-liur to’o iha TL

2 views

Timor-oan na’in tolu nebe mate iha Korea do Sul, Pakistaun no iha Jakarta-Indonézia, Tersa (20/07) to’o ona iha Timor-Leste (TL) ho aviaun komersiál Citilink.

Mate-isin, Samuel Sebastião Noronha Soares, hosi Munisípiu Ermera nu’udar traballadór ida iha Korea do Sul,  mate-isin Digno Sebastião Amaral hosi Munisípiu Baucau, hosi Pakistaun no mate-isin Prisca Sequera ne’ebé mate iha Jakarta-Indonézia, hosi munisípiu Covalima.

“Ami agradese família matebian ,tamba koopera ho ami diak tebes nune’e ami esforsu to’o ohin loron mate isin ne’e to’o mai, matebian nia motivu mate ami seidauk públika sai,tamba ami sei hein rejultadu husi Korea do Súl,liu husi ita nia adidu iha Korea ,maibe ita tempu badak ami sei fó sai motivu traballadór nia mate” Diretór Jerál SEFOPE, Paulo Alves,hatete ba JNDiário iha Aeroportu Internasionál Nicolau Lobato,Tersa (20/07/2021).

Mate isin Sebastião Noronha Soares to’o iha Aeroportu Internasionál Nicolau Lobato,iha tuku 12:30 Otl, ho aviaun Citilink,

Mate isin Samuel Sebastião, simu husi Governu liu husi Sekretária Estadu Formasaun Profesionál no Emprego (SEFOPE), hodi entrega ba família atu lori ba hala’o prosesu funebre.

Diretór Jerál SEFOPE, Paulo Alves, hatete, parte Sekretária Estadu Formasaun Profesionál no Empregu (SEFOPE),seidauk públika sai motivu husi matebian Samuel Sebastião Noronha Soares, nia mate, tamba seidauk simu rezultadu husi polisia investigasaun Korea do Súl.

Tuir dadus SEFOPE traballadór Timor oan ne’ebé mak mate ona iha Korea do Súl hamutuk ema nain 11 inklui ho nain 1 ne’ebé lakon iha tasi laran ne’ebé to’o oras ne’e seidauk hetan nia mate isin.

Samuel Sebastião Noronha Soares, mate iha Korea do Súl iha loron (27/6/2021),matebian moris iha Ermera, loron (27/9/1994).

Samuel Sebastião, nu’udar oan Datoluk husi maun alin nain 6 husi aman Celestino Soares, inan Jacinta da Cunha Noronha.

Familia matebian, Ligia Soares agradese ba Governu liu husi SEFOPE, tamba halo ona esforsu hodi lori mate isin to’o Timor Leste.

“Ami familia agradese ba Governu liu-liu SEFOPE ,tamba ho sira nia servisu makas mak ohin ami nia alin nia mate isin to’o ona ih Timor-Leste,nune’e ami ohin simu husi Governu ami sei lori ba halo nia prosesu funebre depois ami hader iha uma liu loron 2,ami sei ba hakoi iha semitériu Becusse” Familia Matebian, Ligia Soares,hatete.

Alende Aviaun Citilink tula  mate isin  Samuel Sebastiao, tula mós mate isin Timor oan ne’ebé mate iha Pakistan ho naran Kompletu Digno Sebastião Amaral, husi munisípiu Baucau no mate isin Prisca Sequeira, ne’ebé mate iha Jakarta Indonézia husi munisípiu Covalima.Tos


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker