GMN TV Sosiedade Xanana: Povu tomak iha Oecusse tenke evita jalan tikus

Xanana: Povu tomak iha Oecusse tenke evita jalan tikus

8 views

Líder karismátiku, Kay Rala Xanana Gusmão, apela ba povu tomak iha Oecusse atu labele hakat ba-mai Indonézia liu husi dalan ilegál, tanba COVID-19  ho nia variante Delta ne’e hamate ona ema barak iha Indonézia.

“COVID-19 ne’e importadu, COVID ne’e tama husi rai-seluk. Tanba ne’e mak ha’u husu Polísia liu-liu fronteira ne’eba ne’e, inan-aman sira iha fronteira ne’eba ne’e, atu evita teb-tebes jalan tikus (Dalan ilegál), tanba variante foun COVID ninian ne’e iha rai sorin ne’eba ne’e, Indonézia mos mate barak. Ha’u la’o fronteira bar-barak hodi bolu deit atensaun katak, COVID ne’e la’ós iha ita-nia rai ne’e, maibe mai husi liur. Buat ne’e nia problema mak da’et ne’e”, dehan eis Prezidente Repúblika,  Kay Rala Xanana Gusmão bainhira  partisipa misa iha Igreja Parókia São Miguel Arcanjo Padiae,Oecusse, Domingo (25/7/2021).

Xanana to’o iha Igreja São Miguel Arcanjo Padiae tuku 8 dader no simu direta husi Amu Parokia Carlos de Deus, hafoin Xanana hakat tama igreja laran no tur kedas iha oin.

Hafoin misa remata, Amu Parókia fó tempu ba Xanana hodi hato’o mensajen ba komunidade relasiona ho moras COVID-19 ne’ebé dadaun ne’e invade mundu. Tanba ne’e, Xanana husu ba povu Oecusse tomak atu vasina hodi kontra COVID-19 ne’ebé ho ninia variante oi-oin ne’e.

Xanana Gusmão mós aproveita oportunidade ne’e hodi apela ba sarani sira atu kumpri nafatin regra saúde nian, maske tuir Xanana COVID 19 iha Timor laiha, maibe moras ne’e bele tama husi fronteira. Xanana mos apela ba komunidade atu tenke vasina nune’e bele salva-an husi COVID-19.

Antes fila fali ba fatin deskansa, sarani sira entusiazmu loos husu hodi hasai foto hamutuk ho líder istóriku Kay Rala Xanana Gusmão.

Tuir Ministra Saúde, Odete Belo, katak, Timor-Leste deteta sidadaun na’in 4 infetadu ho variante Delta COVID-19. Husi sidadaun na’in 4 ne’e Timor-oan na’in 3, no na’in 1 sidadaun Indonézia.Nes

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker