GMN TV Sosiedade KI SOSIALIZA REGULAMENTU BA MÉDIA NAIN NO JORNALISTA

KI SOSIALIZA REGULAMENTU BA MÉDIA NAIN NO JORNALISTA

0 views

Atu regulariza servisu média nian iha rai laran, Kuarta (23/08), Konsellu Imprensa (KI) sosializa regulamentu númeru 6/2017 ba média nain no jornalista sira.

“Sosializasaun ne’ebé KI halo ba média nain no jornalista sira ne’e konabá kode étika jornalizmu, rejistu ba orgaun komunikasaun sosial, direitu resposta, prosedimentu keixa no médiasaun. Tanba regulamentu ne’e públika ona iha Jornal da República, ho nune’e maka ami konvida sira mai tuir sosializasaun,” Prezidente Konsellu Imprensa (KI), Virgílio Guterres informa, ba jornalista sira hafoin halo sosializasaun ba média nain no jornalista sira iha salaun Ministériu Obras Públika, Caicoli-Díli. Nia esplika katak, intensaun KI konvida média nain no jornalista sira atu informa ba sira konabá kode étika jornalizmu, mekanizmu média halo rejistu iha KI  oinsa no oinsa atu hatama keixa ba KI keixa ne’ebé maka média hasoru. “Regulamentu sira ne’e importante tanba nia ajuda KI, orgaun komunikasaun sosial no jornalista sira atu hala’o sira-nia servisu bazeia ba matadalan ida hanesan kode étika no karteira profisional ba jornalista sira nian,” Virgílio Guterres. Nia akresenta, kuandu jornalista balun hakerek sala notisia hodi hakanek fali sidadaun seluk, sidadaun seluk iha direitu halo reklamasaun. Maibé reklamasaun ne’e tenki bazeia ba lei komunikasaun sosial liu husi médiasaun ne’ebé KI fasilita. “Ha’u hanoin katak regra hirak ne’e importante ba média nain no jornalista sira, tanba ho regulamentu hirak ne’e maka sei regula média no jornalista sira-nia servisu,” haktuir Prezidente KI. Entretantu tuir Xefi Redasaun Televizaun Edukasaun (TVE), Otelio Ote, hatete, regulamentu ne’ebé KI sosializa ne’e sai hanesan matadalan ba média nain no jornalista sira. “Ha’u hanoin sosializasaun ba lei komunikasaun sosial ho regulamentu sira ne’ebé KI produs ne’e imortante ba média nain no jornalista sira, tanba husi ne’e sira bele koñese diak liu tan konteudu husi lei komunikasaun sosial ho regulamentu ne’ebé maka KI iha,” haktuir Otelio Ote. Lei komunikasaun sosial fó ona mandatu ba KI aprova regulamentu kode étika jornalizmu, rejistu média, atribuisaun karteira profisional no exame ba jornalista sira.ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker