GMN TV Sosiedade PM RUI AGRADESE SERVISU JORNALISTA

PM RUI AGRADESE SERVISU JORNALISTA

0 views

Primeiru Ministru (PM), Rui Maria de Araújo, Sesta (25/08), entrega sertifikadu ba jornalista sira ne’ebé durante tinan rua ho balu mandatu VI Governu nian, destakadu iha Palasiu Governu hodi kobertura ba atividade Governu nian.

Iha nia diskursu ba seremonia entrega sertifikadu ne’ebé hala’o iha Palasiu  Governu ne’e,  PM Rui hatete, laiha buat di’ak ida atu nia bele agradese servisu jornalista sira nian durante ne’e, maibé sertifikadu ne’e hanesan simbolu apresiasaun bo’ot ida VI Governu nian ba apoiu jornalista sira nian durante tinan rua ho balu ne’e nia laran. “Durante Tinan rua resin, servisu ne´ebé Governu halo, buat di’ak no aat. Ha’u senti kontenti, tanba jornalista sira hakerek buat ne´ebé diak mak barak, sa ida mak ita bo´ot sira halo ne´e ajuda tebes. Ha’u aproveita biban rohan ona VI Governu nia Mandatu, agradese ita bo´ot sira-nia servisu,” katak PM Rui. Xefi Governu ne’e hatutan, jornalista sira mós hatene katak, VI Governu konstitusionál to´o ona nia rohan. Tanba ne’e, PM Rui lori VI Governu nia naran agradese jornalista iha Timor laran tomak, liu-liu ba jornalista sira ne´ebé destakadu ba iha Palasiu Governu. “Iha ita-nia bens demokrátiku, imprensa ne´ebé livre sai pilar importante hodi bele haburas no hametin demokrasia, tenki responsabiza ba buat ne´ebé mak hakerek no deporta, ne´ebé ita deporta wainhra ita ida-idak nia kna´ar ho diak,” katak PM Rui. PM Rui dehan, esforsu sira ne’e hotu sai benefisia ba povu tomak, no Estadu demokrasia ne’ebé buras liu tan, hodi loke oportunidade ba movimentu bele la’o diak liu tan. “Ita bo’ot (jornalista) sira bele servisu hodi hetan fontes notisia atu bele konsege konfirma notisia sira ne´ebé ita bo’ot sira hetan, maibé ida ne’e parte husi prosesu kresimentu, ha’u hein ita hotu iha ida idak nia fatin,” katak PM Rui. Nune’e mós, Sekretáriu Estadu Komunikasaun Sosial, Nelio Isaac, lori jornalista hotu nia naran, hato’o agradesimentu ba Xefi Governu, tanba valoriza servisu jornalista nian. Nia hatutan, jornalista sira ne’ebé simu sertifikadu ne’e, balun tuir polítika instituisaun media ida-idak nian, fulan rua ka tolu sira troka malu. Maibé balu destakadu iha Palasiu Governu desde Governasaun AMP. “Sira destakadu iha ne’e, hodi halo notisia Palasiu Governu nian. Sira-nia organizasaun ida bolu dehan, Korpu Jornalista Palasiu Governu, tanba sira sempre iha unidade hodi fahe informasaun, tanba dalaruma  seluk la hetan, sira bele pasa ba malu, hodi bele hetan hotu informasaun kona ba aktidade Palasiu nian, no publika ba públiku sira bele asesu informasaun aktividade ne´ebé mak Governu halo,”relata Nelio Isaac. Sekretáriu Estadu Komunikasaun Sosial ne’e, esklarese, jornalista sira ne´ebé mak simu sertifikadu apresiasaun ne’e, kompostu husi media Nasional tomak.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker