GMN TV Sosiedade Dom Virgílio husu sarani hotu reza ba ukun-na’in sira

Dom Virgílio husu sarani hotu reza ba ukun-na’in sira

0 views

Arsebispu Dioseze Díli, Dom Virgílio do Carmo da Silva, SDB, husu ba sarani sira atu reza ba na’i-ulun sira ne’ebé simu kna’ár ho responsabilidade atu ukun tuir Na’i Maromak nia hakarak, tanba dalabarak sarani sira hatudu liman barak   liu ba na’i-ulun sira duke reza ba sira.

“Ita fásil atu hatudu liman ba ita-nia na’i-ulun sira, fila-fali ba ita nia-an, ita reza ba ita-nia na’i-ulun sira ne’ebé ita hatudu liman barak liu duke ita reza ba sira,  liturjia ohin (horiseik) furak ba ami sira ne’ebé simu kna’ar no responsabilidade sai oportunidade momentu ida reflesaun ba ami hola konsiénsia ba kna’ár ne’ebé ami simu, maibé ba sarani sira hetan responsabilidade ida”, haklaken Dom Virgílio do Carmo da Silva, SDB, liu husi nia omília bainhira prezide misa selebrasaun eukarístika impozisaun pálio ne’ebé papa Francisco nomeia Prezidente Episkopál Timor-Leste, hodi tara ba Arsebispu Dom Virgílio do Carmo da Silva.

Dom Virgílio fó apelu ba sarani sira tenke iha responsabilidade motua, nune’e ema ne’ebé ukun atu ukun di’ak wainhira nia mos simu apresiasaun forsa dalaruma mós apoiu morál ka espirituál bele la’o tuir Maromak nia hakarak.

Arsebispu Dioseze Díli ne’e lia tun tan katak, moris iha mundu buat hotu aparese provizóriu no bele muda tuir ema nia hakarak, nune’e presiza duni fiar ida ne’ebé sólidu.

“Pedro ho nia susesór sira servisu la’ós méritu, maibé prezente ida Dom ida ne’ebé Na’i Maromak fó ida ne’e jestu antigu ida ne’ebé kedas tempu uluk avó sira prátika tiha ona. Autoridade iha uma kreda no autoridade ne’e hanesan prezente grasa no Dom ida mai husi Na’i Maromak la’ós atu foti ita ema sai aas, maibé halo ita haraik-an gratidaun ni’an no servisu ni’an. Sarani sira hotu ohin hola parte selebrasaun ida ne’e ho haraik-an dala ida tan, renova ha’u nia pedidu atu harohan mai atan ha’u, nune’e ha’u buka nafatin iha ha’u nia moris no ha’u nia a’an hahalok sira gratidaun no humildade ida ne’e maka hodi haburas responsabilidade ha’u simu atu halo duni nu’udár kna’ar ida la’os nu’udár meritu ida, maibé servisu ida ba uma kreda, hetan fiar husi komunidade atu iha ita nia autoridade reflete nafatin identidade sarani identidade ukun para atu servi”, tenik Dom Virgílio.

Misa loron 23, fulan ne’e, hodi selebra Dioseze Díli ne’ebé hamriik kompleta ona tinan 80, ne’ebé hamriik nuúdar Dioseze iha loron 4, fulan Setembru, tinan 1940.

Alende ne’e mós Papa Francisco nomeia Prezidente Episkopál Timor-Leste, Dom Norberto do Amaral, entrega pálio ba Arsebispu Dioseze Díli, Dom Virgílio do Carmo da Silva, SDB.

Iha loron 11, fulan Setembru, tinan 2019, papa Francisco kria primeira provínsia ekleziástika Arkidioseze Metropolitana Díli. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker