GMN TV Sosiedade Ema deskoñesidu soe bebe iha Mota Maloa

Ema deskoñesidu soe bebe iha Mota Maloa

0 views

Komunidade aldeia Terus Na’in, partense ba suku Vila Verde no aldeia Lemorana partense ba suku Dare hetan mate-isin bebe ida ne’ebé ema deskoñesidu soe iha mota-ulun husi Mota Maloa.

Bebe ne’ebé komunidade hetan ho kondisaun fíziku la kompletu ka isin sorin de’it ho ulun no bebe ne’e komunidade hetan iha Domingu, loron 16, fulan ne’e, mais ou menus tuku 08:00 ho balun.

Tuir kronolójia, abitante Jeremias da Costa konta tuir katak, wainhira nia fase hela roupa iha mota, teki-teki nia haree asu ida dada hela bebe ne’e, maibé ho isin lolon ne’ebé la kompletu, nune’e nia duni tiha asu ne’ebé dada hela mate-isin no hato’o kedas ba autoridade lokál iha fatin refere.

“Primeiru ha’u fase roupa iha kraik bee torneira sai ba ne’e, derepente ha’u hateke sa’e ba ne’e asu dada sai mai, ha’u hakilar no ha’u tuda, maibé asu lori tun nafatin, entaun ha’u halai sa’e mai ha’u hanoin karau kulit, maibé haree di-di’ak fali ba labarik nia ulun, matan no isin sorin, ain laiha, liman laiha”, abitante ne’e ba jornalista sira iha mota ulun Maloa-Díli, Domingu (16-08-2020).

Abitante Juliana Soares, hateten, wainhira haree hahalok imoral no iresponsabilidade ne’e, sente triste, tanba konsidera hahalok ne’e hamoe dignidade feto ni’an no nu’udár inan ida.

“Ha’u sente hanesan laran moras loos, tanba ne’e kuitadu sé kous laiha poder ka forsa atu haree, o bele fó mai ami ka, kuitadu o soe nia hanesan animál ida, tanba ne’e ha’u husu ba labarik feto no mane klosan sira, sé karik hetan oan karik labele sustenta, bele lori mai ami inan aman bele haree”, dehan Juliana ho laran triste.

Iha fatin hanesan, Xefe aldeia Lemorana, Suku Dáre, munisípiu Díli, Alícia da Costa, kondena maka’as hahalok imoral no la edukativu ne’e, nune’e autoridade lokál sei koopera ho autoridade seguransa, hodi buka tuir autór loloos ba aktu iresponsabilidade ne’e.

“Ha’u haree agora joven feto no mane sira iha ne’e bara-barak, maibé laiha responsabilidade ba inan ho aman ne’e laiha, tanba ne’e ami nu’udár autoridade lokál, ami nafatin koopera ho KPK sira no polísia sira hodi buka tuir tama sai uma atu hatene loloos sé mak soe bebe ne’e, tanba nu’udár inan tenke responsabiliza ba nia hahalok ne’e, nune’e bele tuir prosesu”, tenik Alícia.

Hafoin ne’e autoridade lokál no komunidade informa kedas ba Polísia Investigasaun Sientífika Kriminál (PCIC-Sigla Portugés), to’o iha fatin akontesimentu, hodi rekolla dadus nune’e hodi submete kedas ba prosesu autópsia no investigasaun, no mate-isin (bebe-red) ne’e rasik seidauk hatene nia sexu loloos. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker