GMN TV Sosiedade FULIN: Rezignasaun Maun Xanana tanba lakohi hamriik ho VIII Governu ilegál

FULIN: Rezignasaun Maun Xanana tanba lakohi hamriik ho VIII Governu ilegál

0 views

Porta Voz Frente Unida Libertasaun Nasionál (FULIN), Reis Kadalak, konsidera, rezignasaun xefe negosiadór Fronteira Marítima (FM), Kay Rala Xanana Gusmão, tanba nia (Xanana-red) labele hamriik hamutuk ho VIII Governu ilegál no tanba Governu halo mudansa estrutura ba ekipa tékniku ne’ebé durante ne’e esforsu maka’as atu dada kadoras mai Timor-Leste.

“Komandante rezigna-an, tanba nia ekipa tomak loloos labele troka, tanba sira la’ós noemasaun polítika, ne’e ekipa tékniku, ema mesak matenek Timor-Oan ne’ebé konsege detekta buat barak ne’ebé hateten ba Timor-Oan tomak katak kadoras ne’e bele mai Timor-Leste, kuandu sobu hotu to’o Xanana rezigna-an ne’e preokupasuan povu maubere tomak, loloos reinu hamriik protesta sira, tanba ne’e lori moris di’ak ba povu, ami konkorda ninia rezigna-an, tanba nia labele hamriik ba Governu ilegál no ukun ilegál, ita hamriik, tanba defende ba riku ne’e, kuandu viola ona konstituisaun buat hotu ilegál, ami ne’e defende konstituisaun, buat legál ne’e liu husi eleisaun labele fo malu de’it”, Porta Voz FULIN hato’o deklarasaun ne’e liu husi konferénsia imprensa iha sede Partidu Sosialista de Timor (PST), Balide, Kuarta (12-08-2020).

Reis esplika, konseitu dada kadoras mai Timor-Leste nu’udár esforsu estratéjiku ne’ebé Xanana lansa tuir vizaun husi rezultadu konsulta populár molok elabora Planu Estratéjiku Dezenvolvimentu Nasionál (PEDN).

Durante ne’e Xanana Gusmão ho nia ekipa esforsu maka’as liu husi estudu viabilidade ne’ebé Timor GAP no Autoridade Nasionál Petróleu no Minerais (ANPM), hodi loke dalan ba estabelesimentu indústria petrolífera no gas iha Timor-Leste.

“Apoiu no suporta polítika investimentu ekonómiku ne’ebé Xanana Gusmão halo ba Timor-Leste, povu tomak hamriik deside nia futuru rasik hodi fó apoiu ba Xanana atu konkretiza kadoras mai Timor-Leste, nu’udár vizaun ne’ebé Xanana elabora tuir aspirasaun populár depois de efektua konsulta ho povu tomak husi munisípiu ba munisípiu, ita kanaliza ita-nia riku-soin ba ema nia-rai no laiha razaun atu bolu ema mai investe iha ita-nia rai, hahalok ida ne’e labele simu, ba FULIN  ida ne’e irasionál”, tenik Porta Voz FULIN ne’e.

FULIN mós konsidera konseitu ekonomia mai husi Xanana Gusmão, liu-liu iha dezenvolvimentu setór petróleu iha Timor-Leste mak bele muda povu nia moris.

Entretantu Xanana Gusmão aprezenta nia karta rezignasaun ba Governu iha loron 10, fulan Jullu ne’e, hodi husik hela kargu nu’udár xefe negosiadór Fronteira Marítima (FM), hafoin Governu ezonera Francisco Monteiro husi kargu Prezidente Konsellu Administrasaun Timor Gap, iha loron 8, fulan Jullu ne’e.

Antes ne’e, Primeiru Ministru (PM), Taur Matan Ruak, mós informa ona katak asuntu rezignasaun ne’e taka ona no Governu iha responsabilidade ba prosesu ne’ebé ho tempu naruk atu dada kadoras mai Timor-Leste. ida


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker