GMN TV Sosiedade Hamosu diskriminasaun ba subvensaun, AUTL halo asaun protesta hasoru Governu

Hamosu diskriminasaun ba subvensaun, AUTL halo asaun protesta hasoru Governu

0 views

Porta Voz Aliansa Universitáriu Timor Leste (AUTL), Moises Soares Magno, hateten, liu husi asaun protesta ou demonstrasaun ne’ebé AUTL halo atu ezije ba Governu atu halo polítika di’ak ida, atu nune’e bele iha balansu fó subvensaun ba estudante sira iha rai-liur no iha rai-laran.

“Subsídiu ba estudante 2.351 pessoas ne’e ho montante USD 1.343.100 ne’e ba de’it estudante naun bolseiru, ita hatene ona katak estudante naun bolseiru ne’ebé mak aprende iha estranjeiru ne’e la’ós povu ai-leba nia oan, la’ós povu agrikultór nia oan, la’ós kiak nia oan, maibé sidade sira nia oan, ne’e ema ne’ebé iha podér polítiku ideolójiku no ema ne’ebé iha kapitál finanseiru nia oan mak eskola iha estranjeiru, tanba ne’e, mak ami deskorda no konsidera desizaun polítika injustu, ida ne’e hatudu diskriminasaun hasoru Timor-Oan sira, tanba ne’e ami la ezije ba Governu atu fó subsídiu ba ami hanesan ho estranjeiru”, Porta Voz AUTL ne’e ba jornalista sira iha kampus UNTL, Liceu-Díli, Segunda (17-08-2020), relasiona ho desizaun Governu liu husi Konsellu Ministru (KM), aprova dekretu lei númeru 21/2020 kona-bá alokasaun subvensaun ba estudante Timor-Oan sira iha estranjeiru durante perióde Estadu Emerjénsia (EE).

Moises subliña mós katak, Governu hamosu diskriminasaun entre estudante Timor-Oan iha rai laran, kona-bá subsídiu ba estudante naun bolseiru temporáriu iha estranjeiru durante EE fulan tolu.

Tanba durante situasaun surtu Corona Virus Disease 2019 (COVID-19) obriga Prezidente Repúblika (PR) dekreta EE, afeta mós situasaun ekonómia família husi estudante sira nini’an, tanba susar atu hetan rendimentu.

Hatán ba ezijénsia ne’e, Ministru Ensinu Superiór Siénsia no Kultura (MESSK), Longuinhos dos Santos, konfirma, dekretu lei ne’ebé Konsellu Ministru (KM) aprova la mensiona estudante iha rai-laran atu hetan subsídiu.

Governante ne’e mós akresenta, subsídiu ba agregadu famíliar mós iha porsentu 45 mak benefísia ba estudante sira iha rai-laran.

Tanba ne’e Longuinhos, afirma, dekretu lei ne’e mós fó dalan ba estudante universidade Estadu ni’an atu selu propiñas tuir faze.

“Natureza husi dekretu lei númeru 21/2020 ne’e mak primeiru sidadaun Timor-Oan ne’ebé mak hela iha rai-liur, segundu mak Timor-Oan ne’ebé deklara nia independénsia rendimentu totálmente ba família iha Timor-Leste, treseiru mak ita estabelese EE ka lock down, nune’e Timor-Oan sira iha rai-liur labele tama Timor. Tuir peskiza ne’ebé mak iha, liu-liu kona-bá subsídiu familiár ne’e 45 pursentu mak investe ba edukasaun, signifika katak subsídiu USD 200 ne’e benefísia mós ba estudante sira ne’ebé iha rai-laran, no dekretu lei ne’e mós prevé katak define propiñas no rekezitu sira ba universidade públiku ne’e kompeténsia ministériu, entaun iha altura ne’ebá ministériu foti desizaun katak kontinua selu propiñas, maibé ho nia modalidade”, tenik Governante ne’e.

Demostrasaun ne’e rasik partisipa husi estudante universitáriu husi UNTL, UNITAL, UNPAZ, UNDIL no Institutu Superiór sira seluk, nune’e mós hetan seguransa máximu husi PNTL Unidade task force, tránzitu munisípiu Díli.

Entretantu proposta ba subsídiu estudante naun bolseiru ne’e rasik, aprezenta husi Ministériu Negósiu Estranjeiru no Kooperasaun (MNEK) no hetan aprovasaun husi Konsellu Ministru.

Orsamentu ne’ebé Governu aloka ba estudante naun bolseiru iha rai-liur ho montante USD 1.343.100, ne’e ba estudante hamutuk 2.351. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker