GMN TV Sosiedade MKLKD husu VIII Governu kanséla esbosu LKD

MKLKD husu VIII Governu kanséla esbosu LKD

0 views

Movimentu Kontra Esbosu Lei Kriminaliza Difamasaun (MKLKD) husu ba VIII Governu, Prezidente Repúblika (PR) no Parlamentu Nasionál (PN) atu kanséla esbosu Lei Kriminaliza Difamasaun (LKD), tanba MKLKD kontinua defende direitu, liberdade imprensa no liberdade espresaun ne’ebé hatu’ur ona iha lei inan.

“Husu ba Primeiru Ministru (PM) liu husi Konséllu Ministru (KM) atu kanséla proposta alterasaun kódigu penál kona-bá kriminaliza difamasaun no injúria. Governu presiza sosializasaun no implementasaun lei kódigu sivíl no nia prosésuál sira no promove investimentu naton ba sistema judisiál, liu-liu defensór públika no tribunál sira atu iha kualidade no proteze ema nia direitu ba onra liu husi dalan sivíl ni’an. Ami mós rekomenda ba PN la autoriza Governu kriminaliza difamasaun no injúria. Ami mós rekomenda ba PR atu labele promulga proposta dekretu lei ne’e, sé wainhira pasa”, Porta Voz MKLKD ne’e iha konferénsia imprensa iha salaun Judicial Sistem Monitoring Program (JSMP), Colmera-Díli, Tersa (25-08-2020).

Inocencio esplika, direitu ba onra no privasidade hatúr ona iha kódigu sivíl, hahú husi artigu 67, artigu 68, artigu 77, artigu 417 no mós artigu 418.

Enkuantu hatúr mós iha kódigu penál artigu 285 kona-bá denúnsia kalunioza, artigu 135 kona-bá diskriminasaun rasiál ka relijioza artigu 183 kona-bá Devasa, artigu 189 kona-bá instigasaun ba krime, inklui konvensaun internasionál ne’ebé Timor-Leste ratifika ona.

Alende ne’e, movimentu kontra esbosu LKD ne’e mós kontinua hato’o mós petisaun ba PR, Prezidente PN no mós ba Ministériu Justísa rasik, wainhira laiha solusaun mak séi kontinua ho asaun demostrasaun.

Asinatura ba petisaun ne’e rasik mai husi sosiedade sivíl, veteranu, sidadaun bai-bain hamutuk 819, husi teritóriu nasionál.

MKLKD kompostu husi Konséllu Imprensa (KI), Forum Organizasaun Naun Govermentál Timor-Leste (FONGTIL), Judicial Sistem Monitoring Program (JSMP), Provedoria Direitus Humanus e Justisa (PDHJ), OXFAM, Asia Justice and Rights (AJAR), Asosiasaun Jornalista Timor-Leste (AJTL), HAK no movimentu universitáriu sira. san


Banner

Foto

Notisia Ikus

Xanana aprezenta progresu negosiasaun fronteira marítima no terrestre ba PN

January 22, 2022
[caption id="attachment_59134" align="aligncenter"...

Campanha das eleições presidenciais prevista para início de março

January 22, 2022
A campanha das eleições presidenciais terá in...

KM aprova ona karta reforma husi Lere, desizaun ikus iha PR Lú Olo

January 22, 2022
[caption id="attachment_59120" align="aligncenter"...

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...
1 2 3 684

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker