GMN TV Sosiedade Uma 127 iha postu Nain Feto afeta ba projetu saneamentu no drainajen

Uma 127 iha postu Nain Feto afeta ba projetu saneamentu no drainajen

0 views

Diretór Jeral Agua no Saneamentu (DJAS), Gustavo da Cruz, hateten, uma hamutuk 127 iha postu administrativu Nain Feto, sei afeta ba projetu planu mestre ba saneamentu no drainajen iha kapital Díli ne’ebé iha tempu oin mai sei implementa.

Planu mestre ba drainajen nia dezeñu remata ona, hodi tama ba faze implementasaun, tanba ne’e fahe informasaun ba komunidade liu-liu ba komunidade ne’ebé afetadu husi projetu refere.

“Tanba ne’e ohin ami halo faze datoluk fahe informasaun kona-ba impaktu ba komunidade husi projetu ida ne’e, komunidade ne’ebé afetadu ba projetu iha postu Nain Feto hamutuk uma 127. Maibé númeru ne’e rasik seidauk fiksu, tanba evolusaun dezenvolvimentu iha postu ne’e la’o nafatin, entaun númeru ne’e bele aumenta ou bele mós menus i ami sei kontinua fahe informasaun ba komunidade iha postu sira seluk in-jeral”, Diretór Jeral Agua no Saneamentu (DJAS) ne'e ba jornalista sira, Segunda (10/08/2020) iha Bidau Akadiru-Hun.

Tuir polítika Governu projetu ne’e sei finansia husi Ministériu Turismu Komersiu Industria (MTKI) ho total orsamentu 200 ital milhoens no total jeral orsamentu ba projetu Díli drainajen hamutuk 300 ital milhoes.

Husi sorin seluk Prezidente Autoridade Munisípiu Díli, Gaspar Soares, hateten, sosializasaun impaktu husi projetu ba komunidade mai husi ekipa integradu hanesan, Munisípiu Díli, Ministériu Interior, Ministériu Agrikultura, Ministériu Obras Públika, Terras Propriedades no selu-seluk tan.

“Haree ba importante husi projetu ne’e, ami hakarak fahe informasaun ba komunidade sira atu hotu-hotu atu hatene katak, iha tempu badak ekipa intregadu sei tun ba halo identifikasaun kona-ba, ai-oan no ai-horis ne’ebé komunidade sira iha”, afirma Gaspar Soares.

Nia haktuir, projetu refere  importante tebes atu foti dignidade kapital nasaun Timor-Leste.

“Tanba ita haree sistema drainajen ida agora bainhira udan fó konsekuensia maka'as ba sidade Díli, tanba ne’e Governu hahú atu rezolve problema drainajen iha Díli”, nia esplika.

Tanba ne’e, iha tempu badak Prezidente Autoridade Munisípiu Díli sei deklara projetu refere hahú uluk husi postu ne’ebé, tanba dau-daun ne’e sei iha faze sosializasaun no identifikasaun ba komunidade, rai, uma no ai-horis sira.

Iha fatin hanesan, Xefe suku Akadiru-Hun, Juvinal da Conçeicão, preukupa, tanba iha sosializasaun ne’e la marka prezensa husi komunidade sira, liu-liu komunidade ne’ebé sei afeta ba projetu refere.

“Tuir loloos ekipa integradu tenke konvida komunidade sira hodi esplika ba komunidade kona-ba lala’ok husi projetu ne’e liga ho komunidade afetadu sira, nune’e komunidade sira bele hato’o mós  sira nia preokupasaun”, afirma autoridade suku refere.

Nia esplika, hanesan autoridade prontu koopera ho Governu, maibé husu ekipa atu tama sai suku hodi fó informasaun ba komunidade sira atu bele komprende, tanba wainhira projetu ne’e implementa komunidade barak mak afeta.

Antes ne’e iha fulan Jullu, tinan ne’e nia laran Ministru Obras Públikas (MOP), Salvador dos Reis Pires, akompania husi Sekretáriu Estadu Meu Ambiente (SEMA), Deometrio Amaral, lansa ekipa servisu Komisaun Avaliasaun Impaktu Ambientál (KAIA) ba projetu Planu Mestre Saneamentu no Drainajen iha kapitál Dili. Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker