GMN TV Sosiedade UN-PNUD apoiu treinamentu média PN

UN-PNUD apoiu treinamentu média PN

0 views

Uniaun Europeia (UE) ho Programa Nasoens Unidas ba Dezenvolvimentu (PNUD) lansa série televizaun no programa treinamentu média Parlamentu Nasionál (PN), hodi reforsa komunikasaun ba sidadaun sira.

Ofisiál programa UE ba Governante no Sosiedade Sívil, Karla Letizke, hateten, treinamentu ba média hodi fortalese kapasidade PN iha Timor-Leste, hodi prodúz no transmite notísia relasiona ho PN, inklui episódiu 20 kona-bá kampañia ba edukasaun sívika.

“Ho treinamentu ida ne’e ami hakarak fó formasaun ba jornalista PN atu iha kapasitasaun téknika hodi halo tuir traballu ho di’ak, treinamentu ne’e UE reunia liu husi UNDP, hanesan sira sei halo treinamentu durante fulan 1 loron 3 ba kada semana no preparara mós vídeo 20 hodi esplika PN halo nia servisu no kontribui ba nasaun Timor-Leste”, Ofisiál programa UE ba Governante no Sosiedade Sívil ne’e ba GMN iha PN, Tersa (04-08-2020).

Inisiativa ida ne’e hola parte iha reposta ba COVID-19 iha ámbitu projetu UE-PNUD “Haforsa Dezenvolvimentu Lokál” ne’ebé integradu liu husi harii Kapasidade Autoridade Munisipál sira iha Timor-Leste”.

Medida sira ne’e sei ajuda PN mantein operasaun regulár sira no haforsa nia mandatu hodi buka tuir no monitoriza Governu nia asaun resposta ba COVID-19.

Iha fulan Marsu, PN identifika asesu ba sidadaun ba informasaun sira ne’ebé konfiável hanesan esensiál iha kombate pandémia ida ne’e. PN aumenta ninia esforsu hodi dezenvolve no habelar informasaun sira ne’ebé badak no klaru ba sidadaun sira, espesialmente ba grupu sira ne’ebé vulnerável kona-bá dezenvolvimentu COVID-19 ni’an.

Programa treinamentu ba média ida ne’e implementa liu husi koordenasaun ho Diretór ba Komunikasaun PN, hodi dezenvolve kampañia divulgasaun ida kona-bá kestaun sosiál sira, inklui impaktu husi COVID-19, hodi hadi’a liu tan komunikasaun ne’ebé asesível no transparente ho sidadaun sira.

Treinamentu ida ne’e dezeña tiha ona ho metodolójia partisipativa no “learn-by-doing” hodi prodúz episódiu 20 ho minute 30 kona-bá edukasaun sívika ne’ebé sei transmite iha televizaun nasionál ho naran “Canal do Parlamento.” Kanál ne’e sei serve hanesan plataforma komunikasaun ida hodi garante PN hakbesik liu ba sidadaun sira ne’ebé nia reprezenta.

Episódiu oi-oin sei hatudu kona-bá papel no mandatu PN ni’an, partikularmente iha relasaun ba prinsípiu demokrasia no dezentralizasaun.

Alende ne’e, programa televizaun ne’e mós sei halo abordajen ba kestaun sosiál hanesan mudansa klimátika, violénsia doméstika, dezinformasaun no notísia falsu sira, planejamentu urbanu no dezastre naturais, protesaun sosiál, direitu no liberdade sira iha tempu COVID-19 ni’an. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker