GMN TV Sosiedade UNIJMA Pro-RDTL: Governu labele dependénsia demais ba produtu rai-liur

UNIJMA Pro-RDTL: Governu labele dependénsia demais ba produtu rai-liur

0 views

Ativista União Nacional Juventude Maubere Pro-Repúblika Demokratika Timor Leste (UNIJMA-Pro-RDTL), hamutuk ho membru tomak, hala’o atividade kolleta batar Noi Mutin, kuaze hektare 10, iha suku Maudemu, postu administrativu Tilomár, munisípiu Covalima.

Objetivu husi kolleta batar liu husi kooperativa ne’e, bele minimiza kresimentu ekonomia Timor-Leste, ne’ebé durante ne’e dependénsia ba importasaun produtu husi rai-liur.

Prezidente Organizasaun Populár Traballadór Timorense (OPTT), Ivo de Jesus Sequeira, hateten, Timor-Leste hanesan nasaun independensia ida, presiza diversifika produtu rai-laran, nune’e bele hasa’e kresimentu ekonómia iha rai-laran.

“Objetivu halo kooperativa ne’e primeiru, hakarak kore dependénsia importasaun husi rai-liur no hasa’e seguransa alimentár povu, liu-liu Estadu RDTL ka konsolida no hametin Estadu RDTL nia ai-han, ita presiza diversifika no hasa’e ita nia kresimentu ekonomia rai-laran. Polítikamente ita ukun rasik-an, maibé haree husi ita-nia ekonomia ita dependénsia ba rai-liur, tanba ne’e apela ba Estadu, apela ba Governu, ba povu ne’ebé hela iha rejiaun, zona, área no aldeia hotu-hotu liman tenke tama ba rai, tama ba natar no tama ba to’os no hakiak animal”, Prezidente OPTT ne’e hafoin remata kolleta batar iha suku Maudemu, postu administrativu Tilomár, munisípiu Covalima, Domingu (23-08-2020).

Ho nune’e, Ivo, husu ba Governu atu labele dependénsia demais ba produtu husi rai-liur, maibé oinsa atu hasa’e produsaun iha rai-laran.

Entretantu Administradór munisípiu Covalima, Afonso Nogueira Nahak, apresia ho atividade kooperativa UNIJMA Pro-RDTL ni’an, tanba bele hametin seguransa alimentár iha munisípiu Covalima iha futuru.

“Hanesan administradór ha’u apresia tebes ba ita-boot sira-nia servisu, tanba ita boot sira bele mobiliza malu halo to’os hektare ba hektare no hakiak animál. Ha’u mós apela ba ita-boot sira katak, hahú fulan Janeiru, tinan 2020 mai to’o agora fulan Juñu, ita-nia kresimentu ekonomia liu husi ita-nia kooperativa to’os no natar sira, katak ita Covalima seguransa ai-han la’o di’ak no metin nafatin, tanba ho ita-boot sira-nia kontribuisaun”, tenik Administradór munisípiu Covalima ne’e.

Entretantu ativista UNIJMA Pro-RDTL, sei kontinua ho kooperativa hakiak ikan iha munisípiu sira, inklui hakiak animal hanesan bibi, karau no fahi.

Alende ne’e, ekipa husi ativista pro-RDTL mós, kolleta ona haree iha suku Beco kuaze tonelada 10, no mós vizita fatin kriasaun animál iha Wetaba, postu Tilomár.

Batar no haré ne’ebé kolleta ne’e sei apoia ba komunidade kbi’it laek sira, no finansia mós sustentabilidade organizasaun no mós sei rai iha armajen. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker