GMN TV Sosiedade Xanana alerta ba povu RAEOA labele tama-sai arbiru fronteira

Xanana alerta ba povu RAEOA labele tama-sai arbiru fronteira

0 views

Eis Prezidente Repúblika, Kay Rala Xanana Gusmão, hatete, atu evita COVID-19 labele tama Timor-Leste, maka povu tomak iha Rejiaun Administrativa Espesiál Oe-Cusse Ambeno (RAEOA) labele tama-sai arbiru fronteira entre Timor-Leste ho Indonézia hodi ba halo transaksaun ilegál, tanba ne’e sei fó perigu ba imi-nia moris no mós ba ema seluk.

Líder nasionál Kay Rala Xanana Gusmão hato’o lia hirak ne’e bainhira nia hala’o vizita ba RAEOA hodi kontinua hala’o asaun karidade hanesan fó apoia ai-han ba komunidade kbiit laek sira ne’ebé presiza. Nune’e ho entusiazmu tebes labarik, joven inklui katuas no ferik sira sai mai forma liña iha kampu no estrada ninin sira hodi simu líder karismátiku, Kay Rala Xanana Gusmão.

Xanana nia prezensa iha komunidade nia leet hodi haree besik liu komunidade nia moris no mós fó apoiu nesesidade bázika ba komunidade kbiit laek sira.

Líder karismátiku ne’e molok to’o RAEOA hodi fahe sasán nesesidade bázika ba povu, nia mós halo ona vizita solidaria ka halo ona asaun karidade iha munisípiu sira seluk, iha ne’ebé populasaun sira simu nia ho entusiazmu maka’as, to’o populasaun balun hatete katak“, Maun Xanana mai vizita ami la presiza lori sasán mos di’ak hela, importante ami haree de’it maun Xanana nia oin mós loos ona”.

Líder karismátiku, Kay Rala Xanana Gusmão kontinua alerta ba komunidade kona-bá COVID-19 ne’ebé to’o ohin loron hamate ona ema barak iha mundu. Tanba ne’e, Xanana husu komunidade atu labele ultrapasa fronteira liu husi dalan ilegál.

“Estadu, Governu fo ona regras. Nu’udár sidadaun iha regra ne’ebé di’ak ba povu tomak hau tenke mendukung (apoiu). Tanba ne’e mak atu la’o haleu perbatasan (fronteira), ha’u sei bolu atensaun ba inan-aman sira hotu atu labele permite señor sira ba jalan tikus (dalan ilegal) ou ba halo transaksoens ilegais ou hatama ema ilegal ou ba tiha sorin balu mak mai fali, ne’e proibidu, tanba la’ós ema ida ni’an, Oe-Cusse tomak ni’an saúde”, dehan Xanana iha Suku Bobometo, Oe-Cusse, Sesta (21/8/2020).

Antes ne’e, Xanana mós vizita uma lisan rua hanesan Tuakolo Metan no uma lisan Kenileosae.

Hafoin ne’e, Xanana distrbui nesesidade bázika ba kbiit laek sira no anima mós komunidade sira. rex


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker