GMN TV Sosiedade Abílio de Araújo: Marsa FALINTIL “ ha'u hakerek iha aviaun-laran”

Abílio de Araújo: Marsa FALINTIL “ ha'u hakerek iha aviaun-laran”

1,952 views

Kompozitór Marsa FALINTIL ho títulu ‘Funu Nain FALINTIL’, Abílio de Araújo, hatete, nia rasik hakerek marsa FALINTIL ne’e, bainhira hala’o viajen husi kontinente Ázia fila ba Áfrika iha fulan Juñu, tinan 1976 bainhira luta ba Timor-Leste nia polítika externu.

Kompozitór Marsa FALINTIL, Abílio de Araújo, haktuir, marsa FALINTIL ne’e mai husi poema ne’ebé transforma ba hino FALINTIL ne’e, nia hakerek no kompozitu iha aviaun leten ka dalan klaran bainhira fila ba Mozambique, hafoin vizita Cambodia no Vietname.

“Ami ba Komboja, ba Vietname, depois ami fila atu ba Mozambique, ami sa’e aviaun kalan bo’ot iha kalohan nia leten, foho ida naruk, ne’ebé ha’u hatete ba Rogério Lobato iha tempu ne’e, ami sei joven hotu. Iha tempu ne’e ema matan-dukur toba hotu, ha’u matan la dukur, ne’ebé ha’u hasai surat ida ha’u hakerek Funu Nain FALINTIL. Ha’u hakerek hotu tiha, komesa hananu, ha’u hananu hotu tiha, ha’u rai tiha,”dehan Abílio de Araújo.

Momentu ne’eba, sira la toka marsa ne’e tanba laiha banda múzika, hafoin iha tinan 1978 bainhira ba Alemaña, nia halibur estudante universitáriu sira husi Indonézia hodi treina no ikus mai prodúz ba disku múzika ida.

“Ne’e mak iha 1978 ha’u ba Alemaña, ha’u halibur estudante Universitáriu sira. Ha’u halibur sira mak ha’u kria ona ne’e funu nain FALINTIL, (Múzika) Foho Ramelau, ami halo disku boot ida, no disku ne’e mak Rádiu Maubere toka beibeik ne’e,”dehan kompozitór Abílio de Araújo iha Díli.

Alende kompozitór múzika, nia mós líder istóriku ne’ebé konsege asume kargu importante iha Primeiru Governu RDTL, hafoin proklamasaun independénsia unilateralmente 28 Novembru, tinan 1975.GMN


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker