GMN TV Sosiedade Frater na’in hitu simu ordenasaun diákono

Frater na’in hitu simu ordenasaun diákono

147 views

Frater na’in hitu simu ordenasaun diakono husi Arsebispu Arquidioseze Díli,  Dom Virgílio do Carmo da Silva,SDB liu husi Missa ordenasaun iha Katedrál, Díli.

Frater na’in hitu ne’e mak hanesan, Frei Domingos Xavier OFM, Favelino Alves da Costa, Mariano Quintão do Rego, Agostino Piedade Babo, Rui Aça-mau, Herculano Pereira Moniz SJ,  Frei Sergio Maria Soares OFM.

Iha Omília, Arsebispu Aquidioseze Díli, Dom Virgílio do Carmo husu diákono foun ne’e atu serví sarani sira ho haraik-an no lori kreda nia prezensa hakbesik ba sarani hotu.

“Aprende hosi ita-nia inan Imaculada da Conceição ne’ebé sai modelu serví nian, modelu harohan na’in nian, no hatene haraik-an, hamri’ik metin iha terus laran, liuhosi nia harohan da’et tulun ita atu sai duni instrumentu ne’ebé útil iha maromak ninia to’os,” dehan Arsebispu Arquedioseze Díli, Dom Virgílio, Sesta (06/08).

Díakono Frei Domingos Xavier OFM sente kontente, maske nia aman husik hela durante funu ba libertasaun nasionál, maibe kontinua luta hodi konkretiza mehi, hodi fó hamnasa inan faluk ne’ebé sempre suporta materiál no orasaun durante luta ba prosesu ne’e.

“Hanesan oan husi mártir ida, primeiru, oras ne’e nia ( Diákonu nia pai) iha lalehan, ha’u agradese uain, tanba nia la husik ha’u, nia hatene saida mak loos no saida mak sala, saida mak naroman no saida mak nakukun liu ha’u. Ha’u la’o buka tuir iha mundu ida ne’e, la’ós ha’u mesak, nia hamutuk ho ha’u tanba nia besik liu Maromak, ha’u fi’ar katak, ha’u-nia orasaun ne’ebé durante ne’e hasa’e liu mós hosi nia, hodi loke dalan mai ha’u to’o agora,” Diákono ne’e sepresa nia sentimentu.

Diákonu na’in hitu ne’e mai hosi munisípiu Ermera na’in rua, hosi Ainaro, Díli, Liquiça,  Manufahi  ho Bobonaro.Say


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker