Assosiasaun HAK lamenta Governu aplika vasina obrigatóriu ba Funsionáriu Púbiku (FP) sira, molok tama servisu hanesan bai-bain.
Lamentasaun ne’e, relasiona ho deklarasaun Primeiru Ministru (PM) Taur Matan Ruak, ne’ebé hatete, sei aplika sistema hanesan Estadu Unidu Amérika (EUA), ne’ebé aplika vasina obrigatóriu ba sidadaun ne’ebé servisu iha administrasaun públiku sira, nune’e foin bele tama servisu.
“Atu hatete katak, deklarasaun PM nian viola ema nia direitu atu determina nia an ba simu vasina ka la’e, tanba sidadaun ida-idak iha direitu autoderminasaun ba nia-an,” hateten Primeiru Vise Diretór HAK Filomena dos Reis, ba GMN Kinta (12/08) iha Farol, Díli.
Tanba K-RDTL artigu 59 hatúr ona kona-ba saúde, no sidadaun hotu-hotu iha direitu atu hetan saúde di’ak, tanba ne’e Governu labele obriga no impoin bainhira sidadaun ida la prontu simu vasina.
“Ida ne’e mós viola ona direitu ema nian ba hetan servisu, tanba ema ida labele tur hein de’it Governu mak fó han tanba nia iha direitu hodi servisu haree nia-an no família” nia lamenta.
Primeiru Ministru hasai deklarasaun ne’e mak, posibilidade Governu sei aplika sistema hanesan ho Estadus Unidus Amerika (EUA) ne’ebé la autoriza nia Funsionáriu Públiku sira tama servisu, bainhira laiha kartaun vasina.Fel
