GMN TV Sosiedade KDJ sei la halakon COVID-19 iha rai-laran

KDJ sei la halakon COVID-19 iha rai-laran

55 views

 

Diretór Forum Organização Não Governamentais Timor-Leste (FONGTIL), Daniel Santos do Carmo, hateten, pandemia coronavirus sei la lakon iha mundu no mós iha Timor-Leste, tanba tama ona iha tipu transmisaun komunitária.

Tan ne’e, la merese atu Governu aplika Konfinamentu Domisiliáriu Jerál (KDJ) iha Múnisipiu Díli, hodi kontinua haterus povu.

“Konfinamentu atu semana ida ka atu fulan ida ka, atu tinan ida mós COVID-19 sei la lakon ona, tanba transmisaun ne’e komunitária ona, signifika iha ona komunidade nia le’et. Tanba ne’e, laiha dalan seluk, dalan ida mak ita tenke aprende oinsa moris hamutuk ho COVID,”dehan Diretór FONGTIL, ba GMN, Sesta (27/8), iha Díli.

Tuir lolo’os, Governu aplika ona nova normalidade, no halo sensibilizasaun no eduka komunidade sira oinsa atu halo prevensaun COVID-19.

“Agora saida mak ita atu halo, oinsa mak atu halo preparasaun ba hasa’e programa sira ne’ebé sensibilizasaun atu eduka komunidade sira liu husi preparasaun hanesan tau fasilidade báziku sira, be’e, sabaun, iha fatin públiku, atu muda ema nia pensamentu oinsa atu moris mós adapta ho situasaun ne’ebe ita iha,” tenik Daniel.

SARS Cov-2 no Delta sei la lakon iha TL

Virus SARS Cov-2 no variante Delta sei la lakon iha Timor-Leste (TL), tanba populasaun laiha konsiénsia hodi kumpri regras husi Organizasaun Mundiál Saúde (OMS) no Ministériu Saúde (MS) nian.

“Virus COVID-19 ho variante foun Delta sei la lakon iha Timor, tanba virus ne’e moris ona iha ema nia isin, luta para kontra malu sira mós esforsu domina ita nia isin ita mos buka solusaun hodi hemu ai-moruk ba halo prevensaun ka halakon virus at ne’e iha ita nia isin” dehan Vise Reitór Pos Graduasaun no Peskiza Universidade Nasionál Timor-Lorosa’e (UNTL), Afonso de Almeida, ba GMN, iha Bebora, Díli, Sesta (27/8).

Nia afirma tan, númeru COVID-19 iha TL loron ba loron aumenta ba bebeik, tanba propagasaun virus COVID-19 no variante Delta daet husi ema ida ba seluk lalais liu.

No COVID-19 ho variante delta, sei la lakon iha TL, tanba karakterístika virus ne’e nia periode inkobasaun, daet lalais iha loron ida nia laran, liu-liu ba sidadaun ne’ebe la tuir protokolu ne’ebé estabelese ona.

Konsellu Ministru, iha Kuarta Semana ne’e, aplika Konfinamentu Domisiliáriu Jerál iha Munisípiu Díli ba semana ida, ne’ebé tama iha vigór loron 27, fulan Agostu, no remata iha loron 2, fulan Setembru, tinan ne’e.

Medida ne’e tuir Governu, atu prevene propagasaun COVID-19 liu-liu variante Delta, tanba semana ikus ne’e, númeru pozitivu COVID-19 aumenta maka’as iha territóriu nasionál.

Dadus ne’ebé relata husi Ministériu Saúde, hatudu, kazu komulativu konfirmadu COVID-19 iha territóriu nasionál hamutuk 15.603, kazu ativu hamutuk 4.203, kazu rekuperadu hamutuk, 11.344 no kazu óbitu 56.Tos/Ags


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker