GMN TV Sosiedade Komemora konsulta populár ba da-22, povu sei moris ki’ak

Komemora konsulta populár ba da-22, povu sei moris ki’ak

79 views

Eis Prezidente Repúblika, José Ramos Horta, hatete, povu Timor-Leste barak sei moris ki’ak, no Governu seidauk fó asisténsia másima ba povu sira ne’ebé to’o agora seidauk asesa bee-moos, eletrisidade, saúde, edukasaun no seluk tan.

“Povu laiha asesu ba bee-moos, ate bee bai-bain uza ba hariis no tein nian difísil, tenke hakat kilómetru resin, portantu ne’e fallansu. Produsaun alimentar no agrikultura ne’e fallansu. Ami seidauk realiza ami-nia mehi, tanba pobreza sei barak hela” hatete Premiadu Nobel ba Paz, ba GMN, semana ne’e, bainhira husu nia hanoin kona-ba prosesu konstrusaun nasaun no Estadu iha ámbitu loron konsulta popular 30 Agostu 2021 ne’ebé kompleta ona nia aniversáriu ba 22.

Tuir Horta, iha prosesu konstrusaun Estadu no nasaun oras ne’e dadauk iha ona progresu diak, maibe la’ós di’ak 100%.

“Felismente ha’u hatete iha progresu. Ita-nia konstrusaun Estadu ne’ebé ita hahú husi zero, laiha Estadu iha momentu ne’ebá. 2002, ita foin komesa hari moru oan ruma, blok oan ruma, harii uma, nune’e ita bolu Estadu” dehan nia.

Diplomata senior ne’e la konkorda Parlamentu Nasionál (PN) aprova lei hodi fó priviléjiu ba sira-nia an, no partidu polítiku sira, maibé povu nafatin mori iha terus laran.

“Parlamentu tenke kuidadau ho buat ne’ebé Parlamentu halo, tanba hau haree demais ona, parlamentu pasa lei ne’ebé fó priviléjiu aumenta tan ba polítiku sira. Agora hau rona kada kandidatu prezidente ida sei simu seis dollar. Uluk kuatru dollar, ne’e mós demais ona. Ne’e moralmente inaseitavel, Hau dezafia prezidente sira hotu-hotu para hatete, hau mak ba karik prezidente, hau veta tiha lei ne’e, tanba lei neé mak halo ita-nia demokrasia dodok” termina.GMN


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker