Atu hadia situasaun rai-laran ne’ebé implika povu tomak terus, komunidade Aldeia Auhun, Suku Bekora, prontu la’o hamutuk ho líder nasionál Kay Rala Xanana Gusmão iha eleisaun tuir mai.
Tanba situasaun atuál joven barak mak lakon servisu no balun la asesu ba kampu servisu, no negonsiante barak mak hasoru difikuldade iha negósiu, tanba kompradór menus.
“Ami difísil teb-tebes hodi bele fila liman ba ami-nia moris lor-loron. Avo Nana hanesan uluk ami depozita ba ita-bo’ot tanba lidera luta povu Timor-Leste nian. Ita ukun-an ona, situasaun agora, ami tau esperansa ba avo Nana atu ita bo’ot hadia rai doben no povu terus na’in ida ne’e. Rai ne’e komesa lakon espransa, ami husu ita boot atu bele hamutuk ho ami, ita hotu salva ita-nia nasaun no povu, atu ita-nia nasaun labele monu ba Estadu falladu” deklara Xefe Aldeia Auhun, Joanina de Andrade, iha Auhun, suku Becora, Díli.
Ho konfiansa ne’e, Xanana apela komunidade tomak, atu mantein paz, estabilidade no kria amizade hodi hein eleisaun ne’ebé sei mai.
“Labele lakon esperansa, ne’e duni kontinua nafatin ba, ho ha’u nia apelu katak, joven sira, imi tenke hamutuk hadomi malu, servisu hamutuk, labele fahe malu, estraga malu, labele kria violénsia iha Aldeia ida ne’e, ita sei la’o,”apela Komandante em Xefe FALINTIL, Kay Rala Xanana Gusmão.Nes
