GMN TV Sosiedade LH: Governu tenke buka hatene razaun Singapura rejeita TL adere ba ASEAN

LH: Governu tenke buka hatene razaun Singapura rejeita TL adere ba ASEAN

505 views

Diretór Organizasaun Naun Governamentál Luta Hamutuk (LH), José Alvés da Costa sujere Governu atu buka hatene razaun Singapura la aseita Timor Leste (TL) sai membru permanente Asosiasaun Nasaun Suduéste Asiátiku (ASEAN-sígla portugés).

Maské informasaun balun hateten, tanba votu absentasaun ba situasaun militar iha Myanmar mak implika TL nia adezaun ne’e.

Maibé tuir sosiedad sivíl ne’e, nasaun Singapura la’os foin rejeita adezaun TL nian, maibé ba dala rua ona.

Ha’u hanoin Singapura to’o agora seidaúk konkorda ba Timór Leste sai membru permanente ASEAN, laos impaktu votu abstensaun TL nian ba situasaun milítar iha myanmar, maibe desde uluk kedas Singapura nunka mais aseita atu TL iha momentu ne’e atu tama ASEAN,” hateten Diretór LH, iha nia knaar fatin, Faról-Díli, Kuarta (04/08).

Nia akresenta, governu presiza halo negosiasaun ho membru ASEAN sira liu-liu Singapura, no presiza prepara aan di’ak liu tan, liu husi rekursu umanu, infraestutura no seluk tan.

“Ita presiza halo renogosiasaun ho Singapura, oinsá sira bele fó apoiu, ita mós tenki buka hatene razaun fundamentu saida mak singapura iha hodi rezeita TL sai membru ASEAN” sujere Diretór ne’e.

Nasaun ne’ebé hola parte iha ASEAN, dadaun ne’e hamutuk 10 mak hanesan, Brunei Darusalam, Myanmar, Kambódia, Indonézia, Laos, Malézia, Filipina, Singapura, Tailándia no Vietnam.Ags


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker