Organizasaun Naun Governamentál Luta Hamutuk (LH), kestiona Ministra Saúde (MS), Odete Belo, laiha kapasidade jestaun di’ak ba vasina ne’ebé fó ona ba komunidade, tanba doze husi vasina sira, balun aat.
LH sujere Primeiru Ministru (PM) Taur Matan Ruak, atu ezonera MS Odete Maria Freitas Belo, husi nia kargu, tanba vasina aat ne’e ameasa tebes saúde públiku sidadaun nian.
“Ida ne’e erru bo’ot ida ne’ebé ministra tenki responsabiliza, se ha’u mak iha Primeiru Ministru nia fatin, ha’u hasai ministra iha loron ne’e kedas,” hateten Diretór LH, José Alvés da Costa iha nia knaar fatin Faról-Díli Sesta (13/08).
Dadus ne’ebé asesa husi HNGV, sidadaun ne’ebé simu ona vasina aat ne’e, hamutuk 773.Ags
