GMN TV Sosiedade Pe. Martinho Gusmão esplika razaun renúnsia husi saserdote

Pe. Martinho Gusmão esplika razaun renúnsia husi saserdote

1,995 views

Padre Dioseze Baucau, Martinho Gusmão, hatete, nia husu sai husi saserdote atu hala’o vida seluk, la’ós ho intensaun ba kandidata-an ba Prezidente Repúblika (PR) iha eleisaun prezidensiál 2022 mai.

Eis saserdote ne’e esplika nia husu deskansa ne’e ba Bispu dezde iha tinan 2016, tanba sente todan iha nia moris, nune’e hafoin tinan 5 mak igreja bele fó esplikasaun.

“Ha’u hasoru Bispu ha’u hatete ba Bispu ha’u voluntariamente sai husi saserdote, atu hala’o vida seluk”, esplika Pe. Martinho Gusmão esplika ba JNDiário, Kinta (12/08), iha Bebora, Díli.

Hafoin renúnsia hosi saserdote, iha líder partidu polítika balu, rona informasaun husu nia atu okupa pozisaun balu iha Governasaun.

“Ema tama atu ha’u sai kandidatu Prezidente Repúblika, maibé laos ha’u nia intensaun rasik, ha’u prosesu ne’e la’o atu sai ne’e mak tama tan asuntu foun ida ne’ebé ha’u la hanoin hetan sai Prezidente da Repúblika, entaun ho permintaan uluk kedas iha Taur Matan Ruak depois antes ne’e PD husu atu hetan kargu ministru ka deputadu ka embaixadór ou sai membru partidu nian, ha’u la hanoin hetan”, hatete Padre Martinho Gusmão.

Eis saserdote ne’e, deklara nia nu’udar sidadaun bain-bain ona ne’e, nia bele kandidata an ba Prezidente Repúblika hodi kompete iha eleisaun prezidensial ba periodu 2022-2027.

“Ba ha’u  kandidatu ba Prezidente Repúblika ne’e la’ós ambisaun, maibé vokasaun, razaun renusia ne’e Amu Bispu de’it mak hatene, ne’e hanesan segredu direitu kanóniku, katak o atu halo renúnsia ne’e tenke ser iha buat 2,  razaun no justa kauza mais buat 2 ne’e ha’u dehan de’it ba Bispu la dehan ba ema seluk,” tenik nia.

Rezignasaun ne’e la kontra lei kanóniku, maibé husu renúnsia voluntaria ne’e disiplina, tanba tuir ninia dalan ne’ebé kontra, wanhira igreja la autoriza, maibé  ida ne’e igreja fó dalan.

“La kontra Lei Kanónika, Justru ha’u husu renúnsia voluntária ne’e mak tuir lei kanónika, ema iha disiplina o hili dalan seluk o tama iha fatin ida o tuir ninia dalan, o sai husi fatin ida tuir ninia dalan ne’e duni la kontra, justru hau kontra kuandu igreja labele ha’u ba justru igreja fó dalan ha’u tuir, nu’udar sidadaun bain-bain ne’e direitu kanoniku la campur tangan , maibé direitu kanóniku dehan de’it ba sarani sira ne’e tenke ser kontribui ba bem komum , maibe mos ba klamar sira ninia diak”, hatete eis saserdote.

Maske sai ona hosi saserdote, maibé sei kontinua padre, tanba tuir kanon 290 ne’e  dehan ,kuandu ordena ona ne’e amu lulik ba nafatin. No sai demite husi padre, bainhira komete krime korrupsaun no pedofilia.

“Segundu por pena de demisaun lejitimamente imposta ne’e por ezemplu hori bainhira ha’u ba tribunal ne’e mak terbukti korupsi ne’e igreja pecat ha’u, terseiru por escrita de santase ne’e ba amu lulik sira ne’e kauza gravisimas, ne’e iha igreja ne’e kuandu amu lulik halo buat 2 ne’ebé tenkiser pecat , primeiru korupsaun, segundu  pedofília” termina eis saserdote ne’e.Tos


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker