Parlamentu Foinsa Foin Sa’e Timor-Leste (PFTL) periodu da-haat, husu Governu atu tau atensaun ba pilar lima kompostu, joven ho edukasaun, joven ho moris saudável, joven empregu empregabilidade, joven ho partisipasaun síviku no joven violénsia no krime , tanba asuntu hirak ne’e sei falta buat barak prejiza atu kompleta.
“Pilar lima ne’e rasik iha relasaun forte tebes ho foin sa’e, tanba ita hotu hatene katak, foin sa’e mak parseiru dezenvolvimentu, Estadu tenke tau atensaun, tanba prejiza dezenvolve foin sa’e nia kapasidade ho diak, nune’e foin sa’e iha abilidade diak brani hodi dezenvolve nasaun ida ne’e,” dehan, Prezidente PFTL Fladimaro Oliveira Moruk, liu hosi diskusaun plenária (PFTL) ba períodu da-haat tinan 2021, ne’ebé hala’o iha Palásiu Nobre Lahane, Kuarta (25/08).
Matéria hirak ne’e sira sei fahe ba joven sira seluk iha área rurál, ne’ebé seidauk komprende lolos kona-ba pillar hirak ne’e.
“Atividade ida ne’e hanesan formasaun no plenária remata, ami bele ba fahe fali ami nia esperensia no ami nia koñesimentu ne’ebé ami hetan durante ne’e ba ami nia kolega foin sa’e sira ne’ebé mak prejiza” membru PFTL, Periodu dahaat tinan 2021, Denágia da Sílva Pires.
Atividade ne’e realiza, tanba hetan apoiu husi Governu liu husi Sekretaria Estadu Juventude no Desportu (SEJD), UNICEF, PLAN International ho montante osan rihun USD 43.Ina
