GMN TV Sosiedade MUTL HALO ASAUN SOLIDARIEDADE APOIA VITIMA INSENDIO

MUTL HALO ASAUN SOLIDARIEDADE APOIA VITIMA INSENDIO

0 views

Movimentu Universitariu Timor-Leste (MUTL) halo asaun solidariedade iha kapital Dili hodi rekolla osan no material ba ajuda vitima insedio nebe akontese iha Aldeia Cairedo Suko Abo no Aldeia Dauaduca Suko Lelelai Postu-Admistrativu Quelicai no  Ossu, Munisipiu Viqueque.

Insendio nebe akontese iha semana kotuk provoka vitima lakon uma 28 no sasan uma laran tomak.

Porta-Voz Luis Soares, hatete akontesimentu hanesan mosu mos iha Aldeia Sobou Suko Ratutu Postu Admistrativu Same Munisipiu Manufahi ne´ebe rezulta ema ida mate no ai-han uma komunidade nian 1 ho sasan tomak.

“ iha dezastre ne´e halo familia vitima sira moris iha situasaun mizerial tebes tanba lakon uma no sasan hotu, no laiha ai-han inklui roupa atu hatais”dehan Porta-Voz Luis Soares ba Jornalista sira Segunda (11/09/2017) iha kampus Liceu UNTL Dili.

Porta-Voz afirma, labarik kiik sira sai terus liu tanba laiha kondisaun ida diak ba sira hodi asegura sira nia saude no fasilita sira nia estudu, maske governu liu husi Ministériu Solidariedade Sosial (MSS) iha obrigasaun hodi tulun vitima sira, maibe realidade vitima sira sei moris iha terus nia laran.

“ Ita hotu nudar Timor oan ita presiza tulun malu, no husu mos tulun ba maluk Estranjeiru sira ne´ebe hela iha Timor, ami ho laran solidariu husu ba maluk Timor oan sira no maluk Estranjeiru sira ne´ebe hela iha kapital Dili atu fo kontribuisaun tuir ita nia kbiit hodi hakman sofrimentu vitima sira nian.” katak Porta-Voz Luis Soares.

Estudante Movimento Universitario mos apela ba Públiko atu presiza kopera no respeita asaun solidariedade estudante sira nian, ne´ebe lao iha dalan durante semana 2 hodi husu tulun ba popolusaun Timoroan.

Nunee mos komunidade Suko Abo Faustino Cardoso, hatete kronolojia husi insendiu ne´e mai husi anin boot, hodi akontese ahi han uma komunidade nian hamutuk 26 maibe to’o ohin loron autoridade no komunidade sira sei buka tuir fontes ahi ne´e mosu.

“ Iha akontesimentu ne´e la rejulta ema mate maibe iha familia balun kanek , tanba atu salva sasan sira nia uma laran, no komunidade sira nia sasan la konsege salva hotu inklui plantasaun komunidade sira nian ne´ebe besik iha uma mos hetan estragus total.” Dehan nia

Faustino husu ba governu, Ministériu Solidariedade Sosial (MSS ) atu tau matan lalais, liu-liu ba komunidade sira ne´ebe hetan dezastre insendiu.

“ Ami triste oituan koalia konaba konstestu ajuda emerjensia tuir lolos iha loron fim de semana bele ajuda, maibe tanba ita nia governu dehan iha Sabado no Domingu la servisu, entaun komunidade la sente ajudos emerjensia husi Governu” Faustinho  Fel/Eld


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker