GMN TV Sosiedade SOSIEDADE SIVIL KONSIDERA GOVERNU IGNORA LORON 30 AGOSTU

SOSIEDADE SIVIL KONSIDERA GOVERNU IGNORA LORON 30 AGOSTU

0 views

Sosiedade Sivil konsidera  Governu ignora loron Konsulta Popular 30 Agostu tamba la valoriza loron ne’e hodi selebra hanesan festa popular ba povu tomak.

“Governu sira hanoin deit osan mak foin bele selebra loron importante sira hanesan 30 de Agusto,” katak Pekizador La’o Hamutuk,  Juvinal Dias ba GMN iha nia kna’ar fatin Bebora Dili, Kinta (31/08). Juvinal hatutan, loron konsulta popular ne’e, fó hanoin ba Timor oan sira atu hanoin fila fali saida mak akontese iha tempu pasadu. “Loron 30 de Agostu ne’e, relembra fali ita ba istória  iha tinan 1999 kona ba povu sira ne’ebé partisipa hodi ezerse sira-nia votu ba independensia, tanba Governu Timor-Leste tenki komemora loron importante sira hanesan ne’e, hodi sunu lilin, selebra misa ba matebian sira , hodi lembra povu ne’ebé mate ho sira-nia votu ba ukun an,” katak Juvinal. Niia haktuir,  ukun nain agora tenki hatene istória funu, tanba laos ukun na’in sira mak mesak luta, maibé povu Timor tomak mós luta ba ukun an ne’e. Tanba ne’e, Juvinal dehan,  loron konsulta popular sai hanesan loron istóriku, tanba iha momentu ne’eba, povu mak sai auto-determinasaun ba rai ida ne’e. “Loron konsulta popular sai hanesan referensia ida atu halo reflesaun, para ukun nain sira agora atu halo desizaun mós tenki konsulta ho povu,” katak Juvinal. Nia dehan, loron 30 de Agostu ne’e, la presiza selebra ho festa bo’ot, maibé importante mak tenki selebra para hanoin hikas fila-fali istória 1999. “Povu mak halo sira-nia inisiativa rasik halo komemorasaun ba loron konsulta popular ne’e,  balu sunu lilin hamutuk iha rate. Tanba  ne’e husu ba  Governu tenki banati tuir povu nia ezemplu ne’e,  labele hanoin halo selebrasaun ba gasta osan deit,” katak Juvinal. Iha sorin seluk,  estudante Universidade Timor Lorosa’e (UNTL), Agapito Soares mós dehan, nu’udar Timor oan tenki respeita nafatin loron konsulta popular 30 Agostu, tanba loron ida ne’e sai hanesan loron istóriku ba povu Timor-Leste. “Iha loron ida ne’e mak, povu Timor Leste fó ni-nia auto-determinasaun ho aten brani hodi fó votus ba independensia Timor Leste nian,” relata Agapito. Tanba ne’e, nia husu ba VII Governu mai atu konsidera loron Konsulta popular ne’e hodi selebra hamutuk ho povu, tanba iha loron ne’e, Timor oan barak mak lakon sira-nia vida.aba


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker