GMN TV Sosiedade MKOTT kondena atitude governu Australia

MKOTT kondena atitude governu Australia

0 views

Movimentu Kontra Okupasaun Tasi Timor (MKOTT) Kondena hahalok Governu Australia, tanba akuza Timor-Leste nia amigú boot nain rua Bernard Colliery ho Witness K,  ne’ebé fó sai ba públiku kona-ba espionajen Australia ne’ebé monta aparellu iha Palacio Governu Timor-Leste hodi akapta enkontru estratejiku governu Timor-Leste nian konaba negosiasaun  fronteira marítima iha tinan 2004.

MKOTT konsidera atitude governu australia nian ne’e hanesan planu ida ne’ebé atu halo tauk ema barak ne’ebe hakarak deskobre hahalok ladiak husi governu australia hasoru nia nasaun vizinho sira.

Tanba ne’e MKOTT husu ba tribunal australia atu hapara akuzasaun hasoru kompañeiru Bernard Collaery ho Witness K”

Movimentu Kontra Okupasaun  Tasi  Timor hato’o  deklarasaun  ne’e liu hosi manifestasaun pasífiku ne’ebé  hala’o iha Embaixada Australia, Fatuhada Díli, Segunda (17/9).

“Deklarasaun ne’e públiku ne’e MKOTT organiza relasiona  ho loron julgamentu ba Timor-Leste nian amigu bo’ot nain 2, kompañeiru Bernard Colliery  ho Witness K, ne’ebé iha loron 12 fulan setembru ba atende julgamentu iha tribunal Canberra Australia. Ita nia belun nain 2 ne’e hetan akuzasaun tanba fó saiba públiku konaba espionajem Australia hodi monta aparellu iha Palacio Governu Timor-Leste nian no akaptaenkontruestratejikugovernu Timor Lesteniansobrenegosiasaunfronteira maritime iha tinan 2004 nialaran,” hato’o Porta Voz Movimentu KontraOkupasaunTasi  Timor-Mkott, Faustino Soares.

MKOTT mos promete sei mobiliza povu Timor-oan hotu liu husi asinatura atu kontinua fo apoia solidaridade ba Bernard Colliery ho Witness K, to’o tribunal Australia hapara akuzasaun hasoru sira.

“MKOTT sei nafatin mobiliza asinatura husi povu Timor-Leste hotu atu kontinua fo ami nia solidaridade ba kompañeiru da lutaBernard Colliery ho Witness K, no ami sei aprezenta asinatura hirak ne’e iha loron julgamentu tuir mai iha loron 28 fulan Outubru 2018. Ami sei nafatin kontinua fo suporta ate tribunal hapara akuzasaun hasoru belun nain 2 ne’e”, hatutan Porta Voz MKOTT, Faustino Soares.

Entretantu relasiona ho kazu ne’e, Bernard Colliery ho Witness K, ba hatan ona iha tribunal Canberra Australia iha loron 12 fulan Setembru no julgamentu tuir mai sei hala’o iha loron 28 fulan outuburu tinan 2018 iha fatin ne’ebe hanesan. ías


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker