Asosiasaun Defísiénsia Timor-Leste (ADTL), husu Governu atu ratifika kovensaun ONU ba ema ho defisiénsia atu nune’e bele responde ba dezafius ne’ebé, ema ho defisiénsia hasoru.
“Ema ho defisiénsia nia situasaun mais vulneravel liu, tamba kauza husi diskriminasaun estikma oi-oin, ne’ebé halo husi ita nia sosiedade sira, diskriminasaun ne’ebé ita sita iha ne’e, kona-ba oportunidade ne’ebé atu partisipa iha moris públiku nian,” dehan, Diretór ezekutivu ADTL, Cesário da Silva, iha Timor-Plaza, Sesta (11/09/2020).
Diretór Ezekutivu ADTL ne’e esplika, dalabarak liu ema ho defisiénsia hetan dikriminasaun husi familia rasik, ne’ebé hasai liafuan ema ho defisiénsia labele halo buat ida, hanesan ho sosiedade ne’ebé iha pensamentu negativu ba ema ho defisiénsia, nune’e diskriminasaun ho stigma sosial kontinua akontese ba ema ho ema ho defisiénsia ema ho defisiénsia.
Cesário hatutan, stigma sosiál ne’e akontese bainhira ema ho defisiensia la’o iha dalan, ema hasai liafuan kuitadu nia labele halo buat ida, no nia atu ba ne’ebé no atu halo saida, situasaun ida ne’e mak prejudika mentalidade ema ho defisiénsia nian.
No forma diskriminasaun seluk kona-ba asesibilidade, ba iha edifisiu no konstrusaun públiku la asesivel, ne’e ita konsidera hanesan diskriminasaun ba ema ho defisiénsia tamba, sira laiha dalan lao ba mai, ida ne’e halo ema ho defisiénsia izola sira nia-an.
Diretór Cesário subliña liu tan, kategoria diskriminasaun ida maka transporte públiku, ema ho defisiénsia la asesu ba transporte públiku, tamba ema ho defisiénsia husi Becora nia mesak labele mai Timor-Plaza, tamba labele tula nia ho kadeira roda, ho buat hirak ne’e mak impede makas partisipasaun ema ho defisiénsia.
“Ami rekomenda ba parte Governu liu-liu Ministériu relevante sira, ne’ebé implementa planu asaun nasionál ba defisiénsia, liu-liu polátika nasionál para promosaun protesaun direitus ema ho defisiénsia, ne’ebé aprova iha tinan 2012 implementa ida ne’e, nune’e fó biban ba, Ministériu ida-idak halo asaun hodi responde ba asuntu defisiensia,” tenik, Diretór ezekutivu ADTL ne’e.
Cesário afirma, rekomendasaun importante liu mak, atu ratifika kovensaun ONU ba ema ho defisiénsia, tamba kovensaun ne’e hanesan matan dalan, ba kada Ministériu atu halo tuir, atu nune’e bele responde ba impaktu no bareira sira ema ho defisiénsia ne’ebé hasoru.
Enkuantu, tuir sensus tinan 2015, ema ho defisiénsia iha teritoriu Timor-Leste, hamutuk rihun 38.118 no liu husi núemru ne’e, ema ne’ebé asesu ba kampu traballu ho deit 5%. Cin
