GMN TV Sosiedade Dom Norberto: Ukun na’in sira tenke respeita konstituisaun

Dom Norberto: Ukun na’in sira tenke respeita konstituisaun

0 views

Bispu Dioseze Maliana, Dom Noberto do Amaral, husu ba ukun na’in ou polítiku sira atu respeita konstituisaun RDTL, tanba mártires da patria sira ne’ebé lakon sira nia vida ne’e, hakarak defende justisa no lia loos.

“Ohin hanesan dau-dauk iha Suai ne’e sira mate, tanba saída, tanba justisa,  tanba liberdade, tanba povu nia di’ak, moris iha trankuilidade iha paz no iha hakmatek nia laran, ida ne’e konsagra tiha ona iha konstituisaun, agora oinsa mak ita lori ita nia-an ida ne’ebé sei moris sabraut ida ne’e atu moris tuir ida ne’e ka la’ós, tan buat ida iha konstituisaun hakarak loke hetan inspirasaun husi Maromak nia lia, tanba ita hotu sarani to’o ida la sarani ne’e urusan nini’an, sarani ne’e tenke moris tuir ida ne’e, sé la moris tuir ida ne’e susar boot, ida ne’e mós bolu atensaun ba líder sira ne’ebé ukun ne’e kesempatan di’ak, kesempatan emas oprtunidade ne’ebé ema dehan osan mean, atu osan mean ida oinsa mak ita Maromak fó hela mai oportunidade di’ak, ida ne’e ita nu’udár sarani atu fó fuan barak, fó lukru ne’e barak bainhira lukru ne’e boot, ita tenke la’o tuir buat ida ne’ebé domin, karidade ne’e, atu nune’e bele fo fuan barak”, Bispu Dioseze Maliana ne’e hafoin remata misa agradesimentu ba masakre Setembro Negro, iha Parókia Ave-Maria Suai-Covalima, Domingu (06-09-2020).

Dom Norberto, akresenta, eroi sira ne’e mate tanba hakarak moris iha liberdade no paz nia laran, nune’e husu ba Timor-Oan hotu atu valorize sakrifísiu ne’ebé eroi no martir sira-ni’an.

"Ita hateke ba martir sira mate tanba saída, mate tanba kauza ida ba povu ne’e nia di’ak, ba paz, hakmatek, justisa ba povu ne’e nia di’ak, atu hetan liberdade ida ne’ebé loos tuir buat ne’ebé povu hotu hakarak, agora iha ida ne’e mak ita tenke tane lisuk sira-nia sakrifísiu ne’e, mate, ran-fakar, kosar-been, mate ida ne’ebé fó ho ruin sira ne’ebé ita la hatene tuir, agora ita ida ne’ebé mak sei moris ne’e mak tenke valoriza ema sira nia kosar-been, ninia ran fakar buat sira ne’e hotu, tebes ka sira nia luta ida ne’e atu ita bele iha dezuniaun, ha’u hanoin kala lae ida”, subliña Bispu Dioseze Maliana ne’e.

Tuir Dom Norberto, komemorasaun masakre Setembro Negro ne’e atu fó agradese ba martír sira ne'ebé lakon sira nia vida iha Igreja Ave Maria Suai, munisípiu Covalima, tanba ho sira nia espíritu mak Timor-Leste bele sai husi nakukun ba naroman.

Hafoin remata misa sarani hamutuk ho Bispu Dioseze Maliana ne’e, autoridade munisípiu covalima no autoridade seguransa kontinua kari ai-funan iha Padre Hilário Madeira, Padre Francisco Soares no Padre Tarcísio Dewanto nia mate fatin.

Entretantu iha selebrasaun masakre Setembro Negro ne’e partisipa husi sarani Katólika Suai, hamutuk ho sobrevivente no sasin moris masakre Setembro Negro, iha loron 6, fulan Setembru, tinan 1999. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker