Arsebispu Arkidioseze Metropolítana Díli, Dom Virgílio do Carmo da Silva SDB, hateten, padre balun ne’ebé ko’alia kona-ba manisfetsaun Grupu Rezistensia Nasional Defende Justisa no Konstituisaun (RNDJK), la reprezenta Igreja, maibé hanesan individu.
Tanba, antes ne’e parte Igreja fó sai ona deklarasaun liu husi konferensia ba imprensa iha Kinta loron 27 fulan Agostu liu ba katak, Igreja laiha hanoin ruma atu involve iha demostrasaun ne’ebé mak organiza husi Ángela Freitas.
“Atu reprezenta uma kreda nu’udar Instituisaun ne’e so bispu sira ou ema ne’ebé mak bispu sira konferensia episkopál, konferensia episkopál atu reprezenta sai nu’udar ninia portavoz atu reprezenta uma kreda, enkuantu uma kreda la hatudu ema ida hanesan imi dehan bele sarani ida mak koalia ou amo lulik ida mak koalia madre ida koalia ka nia lori ninia naran, maibé la lori Igreja nu’udar instutuisaun, dala hira ona mak ami repete ona ida ne’e fó sai nafatin ne’e duni hasai nia hanoin indivu maibé la lori uma kreda nu’udar instituisaun nia naran”, dehan, Arsebispu Arkidioseze Metropolítana Díli, Dom Virgílio do Carmo da Sílva SDB, iha Parókia Saun Tiágo Hera.
Dom Virgílio aprofunda, bainhira iha padre balun hakarak koalia kona-ba demostrasaun ne’e, labele lori uma kreda katólika nia naran, kuandu lahetan autorizasaun husi Igreja. Ina
