GMN TV Sosiedade Dom Virgilio: Sarani sira tenke hateke ba oin hodi rekupera imajen Uma Kreda ni’an

Dom Virgilio: Sarani sira tenke hateke ba oin hodi rekupera imajen Uma Kreda ni’an

0 views

Arsebispu Metropolitanu Díli, Dom Virgilio do Carmo da Silva SDB, hateten, ho selebrasaun tinan 80 ezisténsia Dioseze Díli, sarani sira tenke hateke ba oin no la’o hamutuk hodi rekupera fali  imajen Uma Kreda, hodi tuir Jezus Kristu nia hakarak.

“Koalia kona-bá tinan 80 Dioseze ni’an ita kompara ho ema karik avó tiha ona, kona-bá idade ne’e ita bele dehan instituisaun ida ne’ebé bele hanoin kona-bá nia esperensia sabedoria matenek buat hotu nia fó, ita admira buat ne’ebé uma kreda fo ba rai, povu no ba sarani tinan 80, ita mós ho haraik-an rekoñese dalabarak ita desvia buat ruma koko atu rekupera fali dalan atu ita bele la’o ba oin. Husu ba komisaun organizadora sira tinan 80 ezisténsia Dioseze Díli realiza programa atu labele sai de’it barullu bainhira ensera programa fó ona adeus hotu ona, maibé tenke sai mós momentu ida tinan 80 atu Dioseze, povu no sarani, ita hotu hateke ba oin la’o sentenáriu Dioseze atu la’o, tinan 80 ita mós hamutuk mehi oinsa hafoin tinan 80 ne’e tenke tau hakat ou pasu ida atu ita hakarak ba sentenáriu sertamente ita barak sei la to’o iha ne’ebá, hodi mehi hamutuk atu rekupera fali imajen no figura Uma Kreda ne’ebé loos, nune’e uma kreda ne’ebé Ita Na’in Jezus Kristu nia hakarak, moris tuir loloos iha ita-nia rai ida ne’e mak esforsu hotu ne’ebé koko atu halo, la’ós hanoin de’it tinan 80”, Arsebispu Metropolitanu Díli ne’e liu husi ninia mensajen bainhira prezide misa hodi selebra ezisténsia Dioseze Díli ba dala-80, iha Igreja Katedrál-Díli, Domingo (06-09-2020).

Dom Virgilio mós konvida instituisaun hotu, Governu, Estadu, relijiozu no grupu sira seluk atu lolo-liman ba malu, nune’e bele kontribui atu rekupera unidade iha arkidioseze Díli.

“Ho atividade ne’e ita kaer liman hamutuk hodi hametin liu tan unidade katak ita hotu iha Kristu ita ema ida de’it ita hotu fó liman ba malu atu bele selebra di-di’ak loron importante ida ne’e iha ita-nia istória, maske ho COVID-19, maibé ita bele hakat hodi selebra”, dehan Arsebispu Metropolitanu Díli ne’e.

Iha misa loron 6, fulan Setembru ne’e, Dioseze Díli hamriik no kompleta ona tinan 80. Dioseze Díli rasik hamriik nu’udár Dioseze iha loron 4, fulan Setembru, tinan 1940. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker