GMN TV Sosiedade Júlio Crispim: Militar atua kuandu Polísia labele ona

Júlio Crispim: Militar atua kuandu Polísia labele ona

0 views

Jurista Timor-oan Padre Júlio Crispim, hatete, iha lei no regra institusionál, kuandu FALINTIL-Forsa Defeza Timor-Leste halo atuasaun ba kazu ruma, kuandu Polisia Nasional Timor-Leste (PNTL) labele ona. Maibe seidauk iha manifestasaun no polísia seidauk halo nia servisu, F-FDTL tama halo atuasaun ne’e kontra ona.

“Militar atua kuandu polísia labele ona. Em quanto Polísia sei bele, militar hela iha nia fatin no hala’o nia papel hanesan militar nian. na realidade akontese hanesan ne’e ona, ne’e ita hotu kiik hanesan be, ita atu hatán halonusa? Atu dehan los? ita dehan ne’e la loos! Atu dehan diak? Ne’e ladiak! Maibe keta iha razaun ruma to’o sira foti hetan medida ida ne’e, sira presiza fó razaun”, Padre Júlio Crispim, bainhira sai oradór ba semináriu sientífiku hodi selebra tinan 21 konsulta popular ho tema ‘Nasaun Direitu Demokrátika Hodi Hatán Ba Polítika Desentralizasaun’ iha Same, Manufahi, Sábadu (5/9/2020).

Padre Júlio Crispim mos husu ba ukun nain sira ne’ebé ukun hela rai ida ne’e atu esplika ba povu tanba saida, F-FDTL halo atuasaun ba rezidensia portavoz Grupu Rezisténsia Nasional Defende Justisa no Konstituisaun (RNDJK), Ângela Freitas.

“Ne’e ukun nain sira mak tenke esplika razaun ne’e ba ita tanba saida mak militar ba atua”, tenik Padre Crispim.

Iha fatin hanesan, Jurista senior Timor-Oan, Avelino Coelho, hateten, soberania iha povu nia liman, tanba povu mak hili ukun na’in sira atu kaer ukun durante tinan lima nia laran, maibe hafoin povu hilia tiha ukun nain sira ba ukun, sira la importa ona povu nia sofrimentu lor-loron nian.

Avelino Coelho, relata Timor-Leste adopta multi partidarizmu, tanba ne’e soberania ne’e iha povu nia liman povu mak fó poder ba polítiku sira hodi ukun ba tinan lima hodi hadia povu nia moris.

“Ita-nia rai ne’e adopta sistema multipartidaria, tanba ne’e soberania ne’e la’os iha ukun nain sira nia liman, maibe iha povu nia liman, tanba povu mak fó poder ba partidu polítiku sira atu ukun hodi halo dezenvolvimentu ba nasaun no hadia povu nia moris. maibe ita haree iha realidade oin seluk fali wainhira povu fó fiar ba partidu ida ba ukun la implementa promesa sira ne’ebé ukun nain sira halo iha tempu kampaña,” tenik Avelino.

Jurista senior Timor-oan, Avelino Coelho, esklarese tan, demokrasia ne’ebé los tenke servisu hamutuk ho povu, tanba ukun ne’e  mai husi povu no fila-fali ba povu.

“Iha nasaun adopta sistema demokrasia ne’ebé los tenke servisu hamutuk ho povu tanba ukun ne’e mai husi povu no sei fila fali ba povu ida ne’e atu dehan katan wanhira partidu ruma kaer governu tenke defini modelu dezenvolvimentu ekonomia iha rai laran governu presiza investe maka’as iha setor agrikultura nune povu bele moris di'ak,” dehan Avelino.

Jurista ne’e mós esplika Nasaun Timor-Leste ne’e iha nanis ona husi husi  beiala sira nia tempu, maibe estadu direitu demokratiku ne’e foin mak harii iha tinan 2002 liu husi konsulta popular, iha loron 30 de Agostu tinan 1999. aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker