GMN TV Sosiedade Komunidade Oe-Cusse selebra masákre Bobo-Ufe Tumin ba dala-21

Komunidade Oe-Cusse selebra masákre Bobo-Ufe Tumin ba dala-21

0 views

Loron 9, fulan Setembru, tinan 1999 sai loron ne’ebé nakonu ho tristeza ba povu Atoni Oe-Cusse, liu-liu ba suku Bobometo, Sub-Rejiaun Oe-Silo.

Tanba iha loron refere ema kuaze 84 tenke lakon sira-nia vida, tanba milísia pro-otonomia sira oho ho brutalízmu.

Atu fó hanoin hikas eroi no eroina sira nia sakrífisiu ne’e, sarani Oe-Cusse selebra loron importante ne’e ba dala-21 ho misa agradesimentu iha iha Kapela Nossa Señora do Rosário, Bidau-Díli, Kinta (09/09).

Ho nune’e amu selebrante, Domingos Bian haklaken, mártir sira ne’ebé mate durante prosesu luta ba Timor-Leste nia ukun rasik-an ne’e, tanba buka lia loos no justísa, nune’e tenke valoriza sira-nia sakrifísiu.

Tanba ne’e Timor-Oan presiza buka hatene kona-bá akontesimentu masakre sira ne’ebe akontese iha Timor-Leste, durante tempu funu laran.

“Oinsa mak ita bele fó valór ba sira, primeiru ita valoriza sira-nia sakrifísiu liu husi dalan edukasaun ni’an, liu tiha 21 anus ema barak mai Díli atu eskola, barak mak remata ona, balun iha prosesu universidade, balun foin iha sekundáriu, balun mai buka moris iha Díli. Maibé ita agradese ba Maromak, tanba ita-nia mata-been ne’e nakfilak ba susesu ida, sira iha mundu seluk mós kontente, tanba ita-nia moris ne’e bele di’ak uitoan”, Amu Selebrante ne’e liu husi ninia omília misa agradesimentu iha iha Kapela Nossa Señora do Rosário, Bidau-Díli.

Prezidente Komite Masakre Bobo-Ufe, Baptista Elo, haktuir Governu seidauk fó rekoñesementu, liu-liu dignifika Timor-Oan sira ne’ebé lakon sira-nia vida.

“Ita-nia problema kona-bá dau-dauk masakre ni’an, husi Governu no Estadu rasik la tau prioridade, nune’e atu bele lori ba oin, atu nune’e bele tau atensaun, nune’e sira-nia naran bele dignu hanesan mós masakre sira seluk, eroi sira seluk ne’ebé sakrifíka sira-nia-an luta ba libertasaun ba rai ida ne’e”, tenik Prezidente Komite Masakre Bobo-Ufe ne’e.

Komite Masakre Bobo-Ufe mós sei buka dalan hodi koopera ho Governu, liu-liu parte relevante ne’ebé tutela ba asuntu kombatente no mós Centro Chega, nune’e bele rekoñese no valoriza nafatin martír sira ne’ebé mate iha masakre refere.

Entretantu hafoin remata misa kontinua kedas sunu-lilin no reflesaun ba martír sira ne’ebé mate ona, liu-liu ba masakre Bobo-Ufe, Tumin. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker