GMN TV Sosiedade Lei FP la fó dalan ba Governu uza lei transferénsia estraordinária foti osan

Lei FP la fó dalan ba Governu uza lei transferénsia estraordinária foti osan

0 views

Prezidente Konsellu Konsultivu Fundu Petrolíferu (KKFP), Juvinal Dias, hateten, la’os dalan diak ba Governu atu uza lei transferénsia extraordinária hanesan, baze ida hodi halo levantamentu ba Fundu Petrolíferu (FP) no lei FP rasik la fó dalan atu Governu uza lei transferénsia extraordinária hodi foti osan.

“Tuir KKFP nia hanoin, Governu atu foti osan hosi FP tenke tuir regra sira, ne’ebé lei fundu petrolíferu rasik estabelese”, dehan Prezidente KKFP ne’e ba JN-Diário, Kuarta (09/09/2020), hafoin partisipa iha talk show ne’ebé realiza hosi FONGTIL, Caicoli-Díli.

Prezidente KKFP haktuir, hahu hosi tinan 2018 to’o 2020 espesialmente Governu halo levantamentu ba FP la tuir lei fundu petrolíferu haruka, maibé Governu foti osan hosi FP uza lei transferénsia extraordinária.

“Lei fundu petrolíferu artigu 7, 9 no artigu 11 mensiona kona-ba prátika hirak ne’e, ezemplu artigu 7 mensiona katak, transferénsia FP tenke ba iha konta Orsamentu Jerál Estadu (OJE), maske orsamentu doudésimu ikus sai hanesan OJE, maibé agora seidauk iha OJE, tanba ne’e ami hanoin katak, levantamentu FP nia baze mak lei fundu petrolíferu rasik labele fora hosi ne’e”.

Juvinal Dias dehan, lei FP mensiona katak, transferénsia orsamentu FP ba OJE tenke ba uluk iha konta OJE no tenke regula hosi lei OJE, Lei Orsamentu Jestaun Finanseiru no tenke kumpri lei FP rasik.

“Dezde tinan 2008 to’o ohin loron, Governu halo levantamentu rendimentu sustentavel estimativa la uza lei FP, maibé governu uza lei transferénsia extraordinária. Lei FP la rekoñese prátika sira ne’ebé fora hosi  prinsípiu lei FP, tanba lei fundu mina-rai ne’ebé halo atu garante osan povu nian labele hotu, maibé la’os atu fasilita ukun-nain sira ba foti osan”.

Nia hatutan, klaru lei la fó dalan ba prátika sira ne’ebé uza lei seluk atu foti osan hosi fundu mina-rai. KKFP rekoñese impase polítiku mosu, maibé ne’e mosu, tanba interese partidu polítiku no líderansa sira.

“Lei fundu mina-rai koalia kona-ba interese Timor-Leste ba tempu naruk, entaun ukun-nain labele uza interese polítika hodi sai hanesan vantajen ba jerasaun futuru nian ida ne’e mak fundamentu liu. Atu garante sustentabilidade ba fundu mina-rai, dalan mak tuir regra rendimentu sustentavel estimativu, maibé la’os regra ne’e deit iha mós regra seluk hanesan foti osan hosi fundu mina-rai tenke ba iha OJE”.

Tanba iha prátika barak ne’ebé akontese Governu uza forsa polítika, ne’ebé sira iha bainhira eleisaun hotu partidu ne’ebé mak maioria deside tuir sira nia hakarak, maibé haluha tiha katak, nasaun sira G7+ estraga sira nia riku-soin, tanba uza forsa polítika la’os uza regra, Timor-Leste hakarak sai hosi Nasaun frazil tenke tuir regra labele estraga regra.

Tuir relatóriu ikus oras ne’e FP iha billiaun USD 18 no durante ne’e Governu gasta  ona osan mais ou menus billiaun USD 12, hosi FP ba orsamentu. Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker