GMN TV Sosiedade Santa Ana no São Joaquim modellu ba inan-aman atu eduka oan sira

Santa Ana no São Joaquim modellu ba inan-aman atu eduka oan sira

0 views

Arsebispu Arkidioseze Metropolitana Díli, Dom Virgílio do Carmo da Silva, SDB, Kapela Santa Ana ho Saun Joaquim lori naran foun, nu’udár, matadalan ba ferik katuas sira, atu hasa’e sira nia orasaun ba Maromak no bele eduka oan sira la’o tuir dalan ne’ebé loos.

“Ba ha’u kapela ida ne’e lori naran foun, naran Santa Ana ho São Joaquim sai nu’udár Santa Ana ho São Joaquim primeiru sai fatin ida ne’ebé bele halibur katuas ho ferik sira. Ita-nia rain katuas ho ferik sira barak dau-daun sira sente mesak abandonadu, tanba oan sira ba hotu servisu, buat sira ne’e hotu pelumenus iha fatin ida ne’e sira bele mai reza. No mós Santa Ana ho São Joaquim sai mós modelu ba inan aman sira, liu-liu ba mama sira nu’udár inan ida hanesan Santa Ana rasik eduka sira ni’an. Pelumenus ho kapela ida ne’e ho mahein Santa Ana ho São Joaquim bele sai modelu ba família sira, liu-liu ba inan sira atu harohan nafatin sira-nia fidelidade ba Maromak no ba oan sira”, Arsebispu Arkidioseze Metropolitana Díli ne’e hafoin remata inaugurasaun ba Kapeliña Santa Ana no São Joaquim, iha Bidau Santa Ana, Díli, Domingu (13-09-2020).

Husi sorin seluk, Prezidente Komisaun Organizadora, Martinho Rodrigues Pereira, agradese ba sarani tomak iha Bidau no mós empreza nasionál balun nia kontribuisaun fundu ba rekonstrusaun Kapela foun ne’e to’o remata.

“Agradese wa’in ba sarani tomak populasaun Bidau no sarani tomak hala’o kna’ar iha Bidau, ba mós joventude Bidau Santa Ana ne’ebé servisu iha rai-liur Inglatera, Irlándia ne’ebé fó kontribuisaun ba Kapela ne’e. Ami husu ba sarani hotu Kapela ki’ik-oan ne’e karik ita-boot sira moris di’ak keta haluha”, termina Martinho.

Rekonstrusaun Kapeliña Santa Ana no São Joaquim ne’e, hahú iha fulan Fevereiru no remata iha fulan Setembru, tinan ne’e.

Entretantu fundu ne’ebé uza ba rekonstrusaun kapela ne’e totál USD 7,940 mai husi kontribuisaun sarani Bidau Santa Ana no mós apoiu materiál balun husi empreza BTK. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker