GMN TV Sosiedade AJAR: Governu badinas sulan povu, maibé la kria kondisaun

AJAR: Governu badinas sulan povu, maibé la kria kondisaun

18 views

Ofisial Ligasaun Instituisaun no Advokasia Asian Justice and Rights (AJAR), Inocençio de Jesus Xavier, hatete, Governu badinas halo rezolusaun hodi sulan povu, maibé la hatene kria kondisaun.

Nia hatete, situasaun atuál afeta tebes ba nesesidade kada uma-kain, tanba barak lakon servisu, empreza suspende atividade hotu, negosiante sira hetan rendimentu kiik liu, tanba laiha sirkulasaun osan.

“Badinas de’it halo rezolusaun sulan ema, mais sulan mós tenke hatene fó han, hatene responzabiliza, ida ne’e mak importante, tanba ita limita ona ema nia liberdade. Timor-Leste la’os ema hotu-hotu Funsionáriu Públiku, balu kbi’it la’ek, susar atu hetan hahán, ne’ebé presija apoiu,” kestiona Inocençio, iha nia knaar fatin, Faról-Díli Kinta (02/09).

Kona-ba apoiu rekoperasaun ekonómika durante pandemia COVID-19, Governu aloka millaun USD 71.5, hahú iha fulan Novembru no Dezembru tinan 2020, ne’ebé implementa ba Munisípiu 12 no RAEOA.

Programa sesta bázika ne’e termina ona iha tinan 2021 ne’e, tanba ejekusaun osan ba programa ne’e atinje porsentu 100.

Tanba ne’e AJAR konsidera, lolos programa ne’e tenke iha kontinuasaun, tanba Governu mós mantein medida rigurozu hodi bandu sirkulasaun ema nian.

“Ami durante observa ne’e Governu iha de’it meius ba prevensaun atu ema labele moras ba COVID-19, mais Governu haluha katak ema hamlaha mós bele mate, tanba ne’e Governu labele serka ema, obriga ema, hela iha uma, mais Governu la kria kondisaun” tenik nia.

Reuniaun Konsellu Ministru, semana ne’e, deside renova KDJ iha Múnisipiu Díli, ba loron 7 tan, ne’ebé tama vigór iha loron 3 no sei remata iha loron 9, fulan Setembru tinan ne’e.Ags


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker