GMN TV Sosiedade CI-SNC sinaliza kontribuisaun Jornalista ba independénsia TL nian

CI-SNC sinaliza kontribuisaun Jornalista ba independénsia TL nian

12 views

Conselho de Imprensa (CI) no Centro Nacional Chega (SNC) lansa plaka rua Liberdade Imprensa ne’ebé hakerek naran Jornalista sira, hanesan sinalizasaun memória no istória Jornalista sira nian ba kontribuisaun luta povu Timor-Leste nian ba independénsia.

“Atividade ohin iha rua ida kontinua halo kampaña sensibilizasaun ba públiku kona-ba, Liberdade Imprensa no Liberdade Espresaun liu hosi maneira ida mak, atu fó hanoin ba públiku katak, Timor nia ukun-an tanba Liberdade Imprensa no tanba Jornalista barak halo servisu jornalistiku no mate iha ne’e,” hatete Prezidente CI, Vírgilio Guteres Tersa (21/09) iha rotunda Merkadu Lama.

Aproveita mós halo sinalizasaun ba públiku, Avenida Liberdade ba Imprensa ne’ebé uluk Assosiasaun Jornalista Timor-Lorosa’e (AJTL) deklara ho marcha hosi Rotunda Estatua Francisco Xavier do Amaral Merkadu Lama to’o iha terminal Bekora no ida ne’e programa Avenida Liberdade Imprensa.

Maibé tanba Governu liu hosi jestaun batonómia halo badak tia Avenida Liberdade Imprensa, nune’e ohin CI hamutuk ho Assosiasaun Jornalista sira no komunidade sira ne’ebé preokupa hakarak atu halo kampaña atu re-estende fali Avenida ida ne’e no tau plaka ne’ebé uluk AJTL halo maibé seidauk tau, entaun ohin CI no SNC tau plaka ida iha Rotunda Merkadu Lama no ida iha Bekora no plaka ne’e hakerek naran Jornalista sira nian, subliña nia.

Eis Prezidente Repúblika, José Ramos Horta, husu ba Sosiedade atu labele haluhan kontribuisaun Jornalista Timor-oan no Estranjeiru, ne’ebé fó ona sira kontribuisaun ba TL nia liberdade.

“La’os deit sira nain lima ne’ebé mate iha Balibo, maibé sei iha tan Jornalista sira seluk ne’ebé mai iha Timor, liu-liu iha difikuldade ne’ebé sira hasoru iha tinan 1999.” tenik nia.

Liberdade Imprensa iha Timor iha Konstituisaun nia istoria luta liu hosi plaka ne’e atu formaliza dalan ne’ebé bolu Liberdade Imprensa ne’ebé uluk to’o Bekora maibé depois ne’e Governu hatun Avenida Liberdade Imprensa to’o Kuluhun deit.

“KI ho hau nia apoiu ami husu ba Primeiru Ministru no Governu fabor tau fila-fali Avenida Liberdade Imprensa to’o Bekora” katak.

Vise Ministru Administrasaun Estatal (MAE), Lino Torrezão, hatete Avenida Liberdade Imprensa no Avenida sira seluk iha urbana Díli regula ho rezolusaun Governu númeru 42 iha tinan 2015, ne’ebé legalmente iha dekretru númeru 29/2016 koalia kona-ba, naran armamentu ou estrada ho númeru ba uma.

“Elevasaun hosi tipu armamentu Rua ba Avenida tanba armamentu hirak ne’e hanesan estrada protokolo hosi fó omenagem ba valor komun hosi parte hotu ou Nasaun demokratiku sira” afirma Lino Torzão.Fel


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker