GMN TV Sosiedade FONGTIL: Governu fó subsídiu ba FP hodi “buka votu”

FONGTIL: Governu fó subsídiu ba FP hodi “buka votu”

440 views

Forum Organizasaun Naun Governamentál Timor-Leste (FONGTIL), konsidra, Governu aprova projetu Dekretu-Lei fó subsídiu mensál ai-han no osan transporte ba Funsionáriu Públiku (FP), hanesan polítika buka konfiansa.

No projetu Dekretu-Lei ne’e rasik mós hamosu ona diskriminasaun entre FP ne’ebé laiha level ho FP kargu xefia sira.

“Projetu polítiku para investe buat balun iha festa demokrasia iha tinan 2022 no 2023, ne’e nai-ulun sira tenke iha morál atu realiza sasán sira ne’e, proibidu tebes, labele halimar fali ema nia vida ho kestaun polítika. Se hakarak buat sira ne’e eleva duni ba funsionáriu sira ne’e, sira-nia direitu, mas atu halo fali buat sira ne’e hodi buka pozisaun ka  votu iha eleisaun ruma, ida ne’e labele” hateten Kordenadór Advokasia FONGTIL, Ivo Colimau Lay, iha nia knaar fatin Caicoli Tersa (21/09).

Nia lamenta, Governu laiha sensibilidade, tanba povu sei moris hela iha drama ida la’ós mai husi pandemia, maibé drama polítika ida ne’ebé dezeña husi Governu rasik. Tuir lolos aprova proposta ida ba povu, nune’e bele hadia povu nia moris.

“Estadu Emerjénsia mosu iha  fulan-fulan maibé povu nia moris mukit beibeik, bainhira ita neutraliza tiha situasaun, ita normaliza tiha ekonomia povu ninian, depois mak  ita bele haree ba sasán sira seluk ne’ebé pertinente ba ita-nia ezekutór hanesan funsionáriu públiku sira ne’e,” tenik.

AJAR aseita Governu fó subsídiu ba FP

Sosiedade Sivíl Asia Justice and Rigths (AJAR), konkorda ho aprovasaun Konsellu Ministru (KM) nian kona-ba projetu Dekretu Lei apoiu subsídiu mensál ai-fan no transporte nian ba Funsionáriu Públiku (FP) hotu.

Ofisiál Ligasaun Institusionál Dezenvolvimentu no Advokasia AJAR, Inocencio Xavier konsidera, subsídiu ba FP sira, hanesan pasu positivu ida, tanba bele motiva povu agrikultór sira badinas kuda produtu lokál.

“Inisiativa Governu nian hahú hanoin ona atu investe sosa produtu lokál  ita nia povu agrikultór sira ne’ebé mak organiza nia a’an iha to’os ho natar atu bele sosa povu nia produtu atu bele subsidia ita-nia funsionáriu públiku sira, ne’e pasu pozitivu ida ba insentiva ita nia povu agrikultór sira atu halo natar barak liu-tan,” dehan Inocencio, iha CNE Caicoli-Díli Tersa (21/09).

Nia hateten maske, Governu sei fó subsídiu ba FP sira, maibé presiza tetu didiak, nune’e labele fó efeitu negativu ba iha orsamentu, nune’e presiza investe maka’as iha setór agrikultura.avi/dms


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker