GMN TV Sosiedade FONGTIL rekomenda Governu re-konfigura seguransa iha fronteira

FONGTIL rekomenda Governu re-konfigura seguransa iha fronteira

47 views

Forum Organizasaun Naun Governamentál Timor-Leste (FONGTIL) rekomenda Ministru Defeza (MD), Ministru Interior (MI), Konsellu Ministru (KM), Parlamentu Nasionál (PN), Konsellu Estadu no Konsellu Superior ba Defeza no Seguransa, atu re-konfigura seguransa iha liña fronteira-rai.

Tuir sosiedade sivíl, lei inan artigu 147 hatúr ona katak, garante independénsia nasionál, integridade territorial, liberdade no populasaun sira nia liberdade no ameasa esterna, ne’e kompetensia F-FDTL nian.

“Únika forma hodi asegura integridade territoriál iha liña fronteira (Aero, Mar no Terrestre), ne’e kompeténsia F-FDTL” dehan Koordenadór Advokasia FONGTIL, Ivo Kolimau Lay, liu husi konferénsia imprensa Sesta (10/09), iha Caicoli.

Tanba ne’e sujere Governu koloka Polísia Unidade Fronteira (UPF) iha liña daruak, hodi reforsa F-FDTL.

Enkuantu kona-ba kilat manu (kilat anin) ne’ebé foin lalais veteranu balu ho UPF prende iha Munisípiu Covalima, FONGTIL mós kestiona, maibé Komandante UPF hatete, sosiedade sivíl “lebele kahur kanuru” ba asuntu seguransa nian.

Ivo fundamenta, tuir lei arma branka, bandu ema atu labele uza kilat manu, tanba kilat manu fó impaktu ba seguransa ambientál (fauna) protejidu, no abrigu ba artigu 20, númeru 1, husi lei 05/2017, 19 de Abril, “kilat manu mós konsidera hanesan armas brankas” tenik.

Atu prevene konflitu de interese iha fronteira, FONGTIL rekomenda Governu konverte UPF ba Unidade Polísia Floresta (UPF), ne’ebé tau matan ba movimentu iha ai laran tuan, hodi prevene grupu organizadu, ne’ebé hala’o sira nia atividade hanesan, “estabelese kuartel” ou konstrui plantasaun hodi kuda ai-horis proibidu hanesan “marijuana no opiun”.Fel


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker