GMN TV Sosiedade Governu aplika medida KDJ la justu

Governu aplika medida KDJ la justu

92 views

 

Medida Konfinamentu Domisiliáriu Jerál (KDJ) ne’ebé Governu aplika iha kapitál Díli, la justu ba povu, tanba sidadaun sira iha Díli barak mak vasina ona, maibé la la’o lívre.

Abitante balu iha terminal Tasi-Tolu lamenta tebes ho desizaun ne’e, tanba afeta ba sira hala’o atividade negósiu ki’ik la folin.

“Hanesan buat ida karik halo terus povu deit, sente hanesan triste boot, tanba iha Konfinamentu Obrigatóriu ne’e ami atu halo ami nia atividade bai-bain atu fa’an modo, fa’an sasan ba ami nia nesesidade loron-loron ne’e ami sente araska,” lamenta negosiante Ijolina Mascarenhas, ba GMN, Domingo (05/09).

Abitante sira konsidera, COVID-19 iha Timor-Leste ne’e bosok, tanba Governu la konsidera ona sidadaun ne’ebé kompleta vasina, tuir deklarasaun Primeiru Ministru nian.

“Corona ne’e dala ruma bosok mak barak, tanba dehan sona dala rua la’o lívre, entaun ami mós fiar ida ne’e, ami sona dala rua hetan tiha kartaun COVID-19, laiha valorizasaun” katak Ernesto Moniz.

Konsellu Ministru aplika ona medida Konfinamentu Domisiliáriu Jerál (KDJ) ba populasaun ne’ebé hela iha Díli, inklui sidadaun ne’ebé vasina kompleta ona, atu labele halo movimentu ba Munisípiu, to’o loron 9, fulan Setembru ne’e.

Antes ne’e Xefe Governu Taur Matan Ruak deklara ona katak, sidadaun ne’ebé vasina kompletu bele la’o lívre iha territóriu nasionál. Promete mós karik populasaun hotu iha Timor-Leste partisipa vasina kompletu atinje porsentu 70, Governu sei deside hakat ba nova normalidade.Eca


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker