GMN TV Sosiedade Partidu tolu mak obriga COVID-19 mai TL

Partidu tolu mak obriga COVID-19 mai TL

933 views

Padre Martinho Gusmão, hateten, dalan ida deit atu halakon COVID-19 iha Timor-Leste mak Prezidente Repúblika, Parlamentu Nasionál no Governu demite, situasaun Timor-Leste la’o normál no COVID-19 mós para.

“Dalan ida deit, haruka Prezidente Repúblika para, parlamentu para, Governu mos demite. FRETILIN ho KHUNTO, PLP hakarak COVID ne’e para, nia para. Mas se sira na’in tolu hakarak la’o nafatin, COVID mos mai nafatin. Agora COVID-19 la mai mós, sira obriga atu mai nafatin” dehan Pe. Martinho Gusmão.

Nune’e mós, povu kontra maka’as polítika Governu nian, ne’ebé kontinua implementa konfinamentu domisiliáriu jerál ne’ebé Governu estende tan ba loron hitu, hahú iha loron tolu no sei termina iha loron sia fulan setembru tinan 2021, hodi hamate atividade ekonómika rai-laran.

Estensaun ne’e sai preokupasaun povu nian,  tanba vasina dala rua mós la la’o livre.

“Maun Primeiru Ministru, horibaihirak hatete sai tiha ona katak, sidadaun ne’ebé mak vasina dala rua ona nia la’o livre iha teritóriu Timor laran tomak, maibe realida laiha” dehan abitante, Vidal Jose Da Silva.

Sorin seluk, vendadór merkadu Taibessi mós preokupa tanba sasán husi munisípiu la bele tama mai Díli, relasiona ho implementasaun konfinamentu domisiliáriu ne’ebé estende tan semana ida.

“Se taka hela deit ami hetan osan husi ne’ebé? Ami la ba hadau boot nia kadeira, ami buka rasik mak ami han,”dehan negosiante Rosa José Martins.

Hatán ba preokupasaun ne’e, Ministru Prezidensia Konsellu Ministru, Fidelis Magalhães, hatete,  preokupasaun povu nian, ministeriu relevante sira tenke fó atensaun ba asuntu ne’e.

“Ministériu relevante sira iha kna’ar hatene didi’ak situasaun para bele hola desizaun hodi fó apoiu ba sidadaun sira,”dehan Fidelis Magalhães.GMN


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker