GMN TV Sosiedade Pe. Martinho Gusmão: “Ha’u na’i-lulik nafatin”

Pe. Martinho Gusmão: “Ha’u na’i-lulik nafatin”

2,543 views

Padre Martinho Germano da Silva Gusmão hetan ona suspensaun mistériu saserdotal husi Diosese Baucau, iha loron 30, fulan Agostu ne’e, tanba bazeia ba karta husi padre Martinho rasik, iha loron 25, fulan Janeiru tinan 2020.

Karta suspensaun ne’e, Padre Martinho rasik nia desizaun, husu ba Bispu hodi suspende nia labele halo atividade nu’udar nai lulik igreja katolika nian.

“Atu dehan loloos, suspensaun hau rasik mak husu, suspensaun ida ne’e katak hau nai lulik nafatin, maibé la hala’o knaar uma-kreda nian, hau nia lulik nafatin, so amu papa hakerek fali karta mai dehan katak fó demisaun ba hau, ne’e mak hau laos amu lulik ona, agora amu papa atu fo desizaun mai mós amu papa sei rona fali tan bispu no rona mós hau” konfirma padre Martinho Gusmão, ba GMN iha nia rezidensia Metiaut, Kuarta (01/09).

Razaun hapara atividade nu’udar nai lulik, tanba iha opsaun lubuk ida ne’ebé mak motiva nia hodi suspende husi amu-lulik.

“Foun-foun hau nia hanoin atu ba estuda iha rai-liur, hodi tuir peskiza no hakerek, maibé depois hau nia planu ne’e la’o to’o klaran partidu sira, líder polítiku sira dehan labele ba liur, hela iha ne’e atu foti nasaun. segundu  hau desidi atu kandidata aan ne’e tanba hau hateten ba bispu sira, husi estadu de emrjensia ne’e ita sei namdoras tama ba tahu, hau koalia barak, hakerek barak ne’e, no agora hau koko atu halo” deklara nia.

Maske hetan suspensaun ona husi Bispu, maibé la kontra lei kanóniku, tanba husu renúnsia voluntaria ne’e disiplina. Dalan ne’ebé kontra, banhira igreja la autoriza, maibé  ida ne’e igreja fó dalan.

Antes ne’e saserdote ne’e deklara ona katak, maske la hala’o ona knaar  uma kreda nian, maibé sei nafatin padre, tanba tuir lei knaóniku (canon, 290) ne’e dehan, kuandu ordena ona ne’e amu lulik ba nafatin. No demite husi padre, bainhira komete krime korrupsaun no pedofilia.

“Segundu por pena de demisaun lejitimamente imposta ne’e por ezemplu hori bainhira ha’u ba tribunal ne’e mak terbukti korupsi ne’e igreja pecat ha’u, terseiru por escrita de santase ne’e ba amu lulik sira ne’e kauza gravisimas, ne’e iha igreja ne’e kuandu amu lulik halo buat 2 ne’ebé tenkiser pecat , primeiru korupsaun, segundu  pedofília” dehan nia.Dms


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker