Dosente Filozofia Polítika, Padre Martinho Germano da Silva Gusmão, hatete, nia kandidata-an ba Prezidente Repúblika (PR) 2022-2027 hanesan mistériu ida.
“Ba hau kandidatura ba Prezidente Repúblia, primeiru é problema, segundu é mistériu, problema, tanba hau tenke ser obriga hau hanoin kona-ba buat ne’ebé hau nunka hanoin, hau hatene hau hanoin kona hau hakerek kona-ba Prezidente Repúblika, polítika hakerek artigu barak, mais hau rasik atu tama iha laran hau la hanoin, entaun hau hanoin problema, mistériu, tanba derepente hau akolle suporta ne’ebé ba hau inkrivel suporta husi partidu hotu-hotu, ita haree iha ninia konstalasaun polítika, CNRT iha kandidatu 1,2,3, PD iha opsaun 1,2,3 KHUNTO sempre 1 de’it, partidu hotu iha ida rua mais husi partidu hotu hau nia naran sempre sai nu’udar alternativa,” afirma dosente filozofia polítika, Martinho Gusmão, iha programa Grande Entrevista iha Studio II GMN, Bebora, Kinta (02/09).
Saserdote ne’e hetan ona suspensaun husi Bispu Diosese Baucau, iha loron 30, fulan Agostu, tinan ne’e.
Maibé kona-ba demisaun ‘Estado Clerical’ ba padre Martinho Gusmão katak la moris ona nu’udar amu lulik ne’ebé simu sakramentu ordem, “so amu papa deit mak dei demite padre Martinho Gusmão husi nia Estado Clerical”sita iha karta suspensaun amu Bispo Baucau, Dom Basílio do Nascimento nian, foin lalais ne’e.
Desizaun ne’e bazeia ba padre Martinho nia karta suspensaun haruka ba Bispu Baucau, hodi suspende nia labele halo lai atividade nai lulik iha igreja katolika, tanba atu kandidatu ba PR.Ina
