GMN TV Sosiedade Governu ho igreja loke hikas Santuariu Nain Feto Ramelau ba públiku

Governu ho igreja loke hikas Santuariu Nain Feto Ramelau ba públiku

0 views

Atu selebra loron nain feto ramelau, Governu liu husi ministeriu turismu hamutuk ho Dioseze Díli no autoridade lokal hato-builico loke hikas fali odamatan sítiu nain feto ramelau ba sarani sira hodi ba vizita.

Odamatan santuariu inan santa ramelau ne’e taka durante fulan haat tanba mosu attitude ne’ebé  la diak husi joven balun, bainhira halo vizita ba fatin sagradu ne’e.

Sekretáriu Estadu Ambiente, Demétrio de Amaral de Carvalho hatete, Governu rekoñese foho ramelau ho nia istoria tomak nudar fatin ida sagradu no fatin ida ne’ebé iha relasaun forte tebes ho istoria Timor-Leste ninian.

“Tanba ne’e ita hotu tenki hatudu ita nia attitude hanesan ema timor  respeita ita nia fatin sagradu ne’e atu ema seluk mos respeita”dehan Sekretáriu Estadu Ambiente, Demétrio ba peregrinu sira iha santuariu nain feto ramelau iha Sábadu (8/10/2018).

Dioseze Díli halo koordenasaun ho Governu hadia fatin sagradu ne’e hodi sai embaixador ida ba mundu no mós kria regras ba peregrinu sira ne’ebé  vizita ba nain feto ramelau.

Tanba ne’e dioseze husu ba sarani sira atu obedese ba regras ne’ebé  iha hodi halo sítiu nain feto ramelau sai furak no matak.

Vigáriu Episkopal asuntu Re-evangelizasaun Dioseze Díli, Padre Juvito Araújo hatete loke hikas santuariu nain feto ramelau ho maneira  no intensaun foun.

Se iha tinan hirak liu ba, hahu husi 1997 to’o mai agora, santuariu ida ne’e nakloke ba ema hotu-hotu, peregrinu sira mai konforme hakarak hodi halo devosaun ba nain feto no tanba liberdade husik ema hotu mai bele iha asesu ba to’o nain feto iha leten, joven balun uza sala liberdade ida ne’e.

“Governu ho igreja deside taka santuariu ida ne’e tanba iha insidensia balun katak ita nia oan sira balun mai vizita laiha intensaun aat, maibe mai halo aprezentasaun ida ne’ebe publiku lakontenti, halo profana tiha fatin ida ne’e liu-liu illas nain feto ninian, basa sira sae to’o leten ba hakuak no rein,”dehan vigáriu episkopal, Padre Juvito Araújo.

Padre ne’e hatutan iha durasaun tempu taka ne’e, dioseze Dili ho Governu hamutuk hadia no kria regras ba sítiu nain feto, atu peregrinu sira iha responsabilidade ba fatin sagradu refere.

“Ba oin sarani ou ema estranjeiru tama iha santuariu nain feto ramelau tenki obedese ba ba normas sira ne’ebe Governu ho igreja estabelese,” dehan Padre Juvito.

Santuariu nain feto ramelau sai hanesan fatin embaixador ba mundu hodi dada ema mai vizita hodi halo devosaun ba nain feto, ne’ebe husu ho haraik-an ba sarani hotu atu koopera no kolabora ho ekipa Governu nian ne’ebe servisu iha fatin ida ne’e hodi fo seguransa no obedese ba regras sira ne’ebe aplika iha ne’e.

Iha fatin hanesan administrador munisipiu Ainaro, Albertino de Araújo dehan liu husi hahalok ladiak husi joven sira ninin mak loke dalan ba Governu lokál no nasional ho dioseze Díli atu fo atensaun ba sítiu nain feto ramelau.

“Ita agradese liu husi hahalok imoral husi joven iha sítiu nain feto ramelau nian, bele fanu ita hotu kria regras no hadia hodi evita hahalok sira tuir mai,” dehan Albertino.

Hafoin Governu no igreja loke sítiu nain feto ramelau, hahu kedas ho prosesaun lori nossa senhora da grasa ba hatur iha gruta santuariu no taka ho misa iha tuku 10:00 kalan.

Tantu peregrinu sira komesa sae ba foho ramelau iha tuku 7:00, reza, halo adorasaun ba santissima no konfesa.

Misa ba selebrasaun loron nain feto ramelau iha tuku 08:00 nudar misa desagravu hodi halo reparasaun ba atitude sira ne’ebé  akontese antes.

Ba sítiu nain feto ramelau ne’e rasik/ Governu aplika ona taxa ba vizitante sira, kada ema ida ho dolar ida no ba rai nain ho deit sentavus 0.25. Tuir planu governu mos sei aplika taxa ba iha Cristo Rey Díli no dezenvolve sítiu Cristo Rey iha matebian.

Serimonia re-abertura ba sitiu nain feto ramelau ne’e rasik partisipa husi membru governu balun, membru parlamentu nasional balun, madre no padre sira inkluindu sira seluk.mra/nto


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker