GMN TV Sosiedade Governu sei kria regulamentu ba media sosial

Governu sei kria regulamentu ba media sosial

0 views

Dadauk ne’e media sosial sai preokupasaun maka’as ba públiku, tanba grupu balu aproveita media sosial hodi hatun ema seluk nia dignidade, liu-liu lideransa nasional sira. Tanba ne’e, Governu liu husi Ministériu Transporte no Telekomunikasaun, hanoin ona atu estabelese regulamentu ida hodi regula media sosial iha Timor-Leste, hodi ema bele responsabiliza nia aktu bainhira utiliza sala media sosial.

“Ema uza ID (Identity Document) falsu halo defamasaun ba ita-nia lider sira, ida ne’e asuntu ida sériu, presiza hetan atensaun hodi estabelese regulamentu ruma atu regula, kuandu pesoal ida ne’ebé mak halo buat ne’e, ikus mai kuandu ema detekta, nia tenki responsabiliza”,relata Ministru Transporte no Telekomunikasaun, José Agostinho, ba jornalista sira iha Palásiu Governu Díli, Sesta (12-10), hafoin hasoru malu ho Primeiru Ministru, Taur Matan Ruak.

Maibé tuir Agostinho, agora dadauk  ne’e Governu halo hela prosesu selesaun ba Prezidenti Autoridade Nasional Komunikasaun.

“Ida ne’e ajenda importante atu ita produs hodi regula, sela’e ita ida-ida la’o tuir ita nia hakarak, hasai estatementu ne’ebé afeta ba ema-nia dignidade, liu-liu ita-nia lider istóriku sira. Ida ne’e ita la hatudu oinsa mak ita bele respeita malu”,afirma Agostinho.

MTK kria kondisaun ne’ebé mak tuir prosediamentu legal no regra ne’ebé mak iha, hodi loke vaga ida ne’e ba públiku.

“Kandidatu ne’ebé mak konkore ba pozisaun ida ne’e, iha ema nain 42 ne’ebé hatama ona sira nia aplikasaun”,relata Agostinho.

Espera katak, iha proximu reuniaun Konsellu Ministru, rezultadu husi selesaun ida ne’e, ami bele lori mai aprezenta iha Konsellu Ministru atu bele hetan apresiasaun no aprovasaun.

José Agostinho dehan, Prezidenti Autoridade Nasional Komunikasaun tenki iha, tanba agora dadauk ne’e kuaze loron ba loron ema preokupa maka’as kona ba ID falsu sira iha media sosial.

José Agostinho da Silva mós informa mos katak, iha sorumutu ho Xefi Governu ne’e, nia informa mós kona-ba  progresu servisu MTK nian.

“Hato’o informasaun kona-ba konstrusaun Ferry Port Díli nian, ne’ebé nia orsamentu ne’e apoia husi povu no Governu Japaun. Projetu ne’e nia progresu ne’e, dadauk ne’e atinji ona 50,7 pursentu”,dehan nia.cos


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker