Estrutura Sentru Nasionál Rehabilitasaun (SNR), hasoru malu ho Primeiru Ministru, Taur Matan Ruak, iha Palásiu Governu, hodi informa kona ba problema ne’ebé mak SNR infrenta durante ne’e. Iha sorumutu ne’e, Diretora Jeral SNR, Verónica das Dores, aktualiza ba Xefi Governu katak, dadaun ne’e, servisu SNR nian kona-ba ema ho difisiente la efikaz, tanba problema orsamentu no transporte.
“Ami mai hasoru Primeiru Ministru, tanba ami iha problema kona ba ami nia servisu fatin iha Sentru Nasionál Rehabilitasaun. Ho kazu ida ne’e mak, ami hakarak mai hasoru Primeiru Ministru, atu esplika detialla liu tan saida mak akontese iha ami nia servisu fatin. Problema ne’ebé mak ami hasoru iha servisu fatin mak, li-liu kona ba ema ho difisiente iha baze no iha ami nia servisu fatin, ida mak orsamentu, no ida seluk mak transporte”,informa Verónica das Dores ba jornalista sira iha Palásiu Governu, Díli, Sesta (29/09).
Nia haktuir, iha sorumutu ne’e, sira esplika problema ne’ebé Sentru Nasionál Rehabilitasaun infrenta durante ne’e ba Primeiru Ministru, hodi Xefi Governu ne’e bele apar.
“Ami-nia situasaun karik ami labele halo tan servisu, ka labele lori tan ita-nia difisiente sira mai karik, la’os katak Sentru Nasionál Rehabilitasaun mak lakohi halo ona servisu, maibé kestaun tanba difikuldade sira ne’e”,katak Verónica.
Sentru Nasionál ne’e harii iha tinan 2005, no to’o 2013. Sentru ne’e tama iha Governu nia kontrolu. Agora dadauk ema ho difisiente ne’ebé halo terapia iha Sentru Nasionál Rehabilitasaun ne’e, iha kategoria 3, balu difisiente fíziku ne’ebé halo terapia loron-loron no balun konsege la’o fali, difisiente sira ne’ebé tu’ur de’it iha kadeira roda, no balun hetan liman no ain falsu husi Sentru Nasionál Rehabilitasaun.
“Difisiente ne’ebé halo terapia iha Sentru Nasionál Rehabilitasaun husi inisiu to’o agora ne’e, hamutuk 7000 resin, no sira ne’ebé hetan progresu hodi la’o fali 500 resin”,katak
Nia fó ezemplu katak, husi númeru 500 ne’e, barak liu mak labarik ki’ik sira ne’ebé mak la la’o no hamriik, sira bele hamriik mesak no la’o to’o agora.cos
